Улсын бүртгэлийн ерөнхий газрын албан хаагчид 2025 оны 04 дүгээр сарын 29-ний өдөр “И-Монгол академи” УТҮГ-аас зохион байгуулсан цахим ур чадварыг дэмжих сургалтад хамрагдлаа.
Сургалтын хүрээнд оролцогчид хувь хүний мэдээллийг хамгаалах, цахим орчинд өөрийн болон бусдын мэдээллийн аюулгүй байдлыг хангах чадамжийг нэмэгдүүлэхэд чиглэсэн мэдлэг, ур чадварыг эзэмшсэн юм. Мөн цахим халдлагын түгээмэл төрлүүд, цахим иргэнд зайлшгүй байх ёстой ур чадварууд, мэдээллийн аюулгүй байдлыг хангах зөвлөмжүүд, орчин үеийн дэвшилтэт технологийг аюулгүй, үр дүнтэй ашиглах арга зүйн талаар дэлгэрэнгүй мэдээлэл авч, мэдлэгээ дээшлүүллээ.
Энэхүү сургалт нь төрийн байгууллагын албан хаагчдын цахим мэдлэг, аюулгүй байдлын чадамжийг дээшлүүлэх, мэдээллийн эрсдлийг бууруулахад чухал ач холбогдолтой юм.
