АТГ-ын дэргэдэх Олон нийтийн зөвлөлийн гишүүд Улсын бүртгэлийн ерөнхий газрын авлигын эсрэг үйл ажиллагаатай 04 дүгээр сарын 10-ны өдөр танилцлаа.
Улсын бүртгэлийн ерөнхий газрын Тамгын газрын хүний нөөцийн ахлах мэргэжилтэн С.Энхчимэг тус зөвлөлийн гишүүдэд мэдээллийн ил тод байдал, АТГ-ын зөвлөмжийн хэрэгжилт, байгууллагын хүний нөөцийн сонгон шалгаруулалт, томилгоо, шагнал урамшууллын дүн, мэдээлэл, тогтолцооны талаар болон албан хаагчдын ёс зүй, ашиг сонирхлын зөрчил, авлига, албан тушаалын гэмт хэрэгт холбогдон шалгагдсан байдал мөн байгууллагын авлигын эсрэг, урьдчилан сэргийлэх үйл ажиллагааны танилцуулга, үр дүнгийн талаар мэдээлэл хийлээ.
Уулзалтад Улсын бүртгэлийн ерөнхий газрын газар, хэлтсийн дарга нар бүрэн бүрэлдэхүүнээрээ оролцож талууд харилцан санал, мэдээлэл солилцож, Олон нийтийн зөвлөлийн гишүүдээс зөвлөгөө, мэдээлэл өгч ажиллалаа.
