Улсын бүртгэлийн ерөнхий газрын даргын албан үүргийг түр орлон гүйцэтгэгч У.Болдхүү 2025 оны 04 дүгээр сарын 09-ний өдөр Төв аймгийн Улсын бүртгэлийн хэлтэст ажиллаж, тус хэлтсийн үйл ажиллагаа, хүний нөөц, иргэдэд үзүүлж буй үйлчилгээний явцтай танилцлаа. Тэрбээр, хэлтсийн албан хаагчидтай уулзаж, тэдний санал хүсэлтийг сонсож, тулгамдаж буй асуудлууд, иргэд үйлчилгээ авахад гарч буй хүндрэл бэрхшээлийн талаар ярилцлаа. Мөн төрийн үйлчилгээний хүртээмжийг нэмэгдүүлэх, ил тод, шуурхай байдлыг хангах, цахим бүртгэлийн үйл ажиллагааг сайжруулах талаар чиглэл өглөө.
Улсын бүртгэлийн чиглэлээр хамтран ажиллах талаар аймгийн Засаг дарга Л.Төмөрчөдөртэй уулзалт хийж, санал солилцсон нь орон нутгийн уялдаа холбоог сайжруулсан чухал ач холбогдолтой үйл ажиллагаа боллоо.
