Улсын бүртгэлийн ерөнхий газар 2025 оныг “Төрийн бүтээмж, нийгмийн баталгааг хэрэгжүүлэх жил” болгон зарлалаа

Улсын бүртгэлийн байгууллагын 2025 оны удирдах ажилтны сургалт, зөвлөгөөн хоёр өдөр үргэлжилж амжилттай зохион байгуулагдлаа.

Үндэсний аюулгүй байдлын зөвлөлийн ажлын албанаас Үндэсний аюулгүй байдал, гадаад дотоод хүчин зүйл, өөрчлөлт сэдвээр, МУИС-ын багш, доктор, дэд профессор Н.Золжаргал “Хиймэл оюун ухаан, түүний хэрэглээ, Блокчэйн  технологи, түүний хэрэглээ” сэдвээр тус тус танилцуулга, мэдээлэл өгч оролцлоо.

Мөн Улсын бүртгэлийн ерөнхий газрын чиглэлийн газрын дарга нар 2025 онд хийж хэрэгжүүлэх арга хэмжээ, цаашид анхаарах асуудлын хүрээнд илтгэл тавьж танилцууллаа.

Энэ удаагийн удирдах ажилтны сургалт, зөвлөгөөнөөр нэгдсэн хэлэлцүүлгийг зохион байгуулсан нь ач холбогдолтой, онцлог байлаа. Хэлэлцүүлэгт оролцогчид ерөнхий газрын удирдлагуудад тулгамдаж буй асуудлуудаа нээлттэй танилцуулж, хоорондоо мэдээлэл, санал бодлоо солилцон, зөвлөлдлөө.