Улсын бүртгэлийн төв байгууллагын алба хаагчдын бие бялдрыг хөгжүүлэх, эрүүл мэндийг бэхжүүлэх, идэвхтэй хөдөлгөөнийг олон нийтэд уриалж, хоорондын хамтын ажиллагааг сайжруулах зорилготой волейболын аварга шалгаруулах тэмцээнийг зохион байгууллаа. Энэхүү тэмцээн нэгдүгээр сарын 20-ноос эхлэн хоёр сарын хугацаанд үргэлжилж, баг тамирчид хурд хүч, авхаалж самбааг сөрөн өрсөлдлөө. Долоо хоног бүрийн 1,3,5 дахь өдрүүдэд цайны цаг болон ажлын бус цагаар 6 баг хоёр тойргийн турш өрсөлдсөн юм.
Тэмцээнд 1-р байрыг О.Билгүүн ахлагчтай баг тамирчид, 2-р байрыг Б.Отгонбаяр ахлагчтай баг тамирчид, 3-р байрыг М.Оюундэлгэр ахлагчтай баг тамирчид тус тус эзэлж, амжилт үзүүлсэн баг, тамирчдад медаль, шагнал гардуулах арга хэмжээг зохион байгууллаа. Нийт баг, тамирчдадаа халуун баяр хүргэе.
