Дорноговь аймгийн улсын бүртгэлийн хэлтсийн дарга Ц.Тэгшжаргал өөрийн хүсэлтээр ажлаас чөлөөлөгдөж, даргын албан үүргийг түр орлон гүйцэтгэгчээр С.Энх-Эрдэнийг гуравдугаар сарын 10-ны өдөр томилон, ажил хүлээлцлээ.
.JPG)
Мөн Улсын бүртгэлийн ерөнхий газрын удирдлага Дорноговь аймгийн улсын бүртгэлийн хэлтсийн үйл ажиллагаатай танилцлаа. Дорноговь аймгийн улсын бүртгэлийн хэлтэс нь орон тооны 27, гэрээт 2 нийт 29 хүний бүрэлдэхүүнтэй үйл ажиллагаа явуулж байна. Аймгийн засаг даргын тамгын газрын байрны В1 давхарт үйл ажиллагаа явуулж буй, мөн тулгамдаж байгаа асуудлуудыг Улсын бүртгэлийн ерөнхий газрын дарга У.Болдхүүд танилцууллаа.
.JPG)
Дорноговь аймгийн улсын бүртгэлийн хэлтсийн даргын албан үүргийг түр орлон гүйцэтгэгч С.Энх-Эрдэнэ: Миний бие Дорноговь аймгийн Алтанширээ суманд төрж өссөн. 2008-2012 онд ХААИС-ийг газар зохион байгуулагч инженер мэргэжлээр төгссөн. Мөн МУИС-ийн газар зохион байгуулагч магистр зэрэгтэй, одоогоор ИЗОУИС-д эрх зүйч мэргэжлээр сурч байна. Ажлын туршлагын тухайд Газар зохион байгуулалт, геодези, зураг зүйн ерөнхий газарт тасралтгүй 11 жил ажилласан байна. Ажиллах хугацаандаа Улсын бүртгэлийн байгууллагатай хамтран өмчийн мэдээллийн санг холбох ажлын хэсгийн нарийн бичгээр ажиллаж байлаа. Тиймээс эд хөрөнгийн эрхийн улсын бүртгэлийн газартай байнгын хамтын ажиллагаатай ажиллаж ирсэн. Өөрийнхөө эзэмшсэн мэргэжлийн дээд түвшний байгууллагад мэргэжилтэн, ахлах мэргэжилтэн, улсын байцаагч хүртэл дэвшин ажилласан байна. Өнөөдөр ажлаа хүлээж авлаа. Хийх ажил их, хичээж ажиллана, мөн том байгууллагын нэг хэсэг болж ажиллах болсондоо баяртай байна.
