Улсын бүртгэлийн ерөнхий газар нь Азийн хөгжлийн банкны Техникийн туслалцааны дэмжлэгтэйгээр “Сумдад эд хөрөнгийн эрхийн болон хуулийн этгээдийн улсын бүртгэлийн үйлчилгээг цахимжуулах, нэвтрүүлэх замаар төрийн үйлчилгээг бэхжүүлэх, төвлөрлийг сааруулах” төслийг 2024 оноос амжилттай хэрэгжүүлж байна.
Төслийн зорилго нь эд хөрөнгийн эрхийн болон хуулийн этгээдийн улсын бүртгэлийн системийг шинэчлэн хөгжүүлэх, цахим гэрчилгээг нэвтрүүлэх, дэд бүтцийг сайжруулах, сонгогдсон сумдад эд хөрөнгийн эрхийн болон хуулийн этгээдийн улсын бүртгэлийн үйлчилгээг нэвтрүүлэх, албан хаагчдын чадавхыг бэхжүүлэхэд оршино.
Өнгөрсөн долоо хоногийн Баасан гарагт (2025.02.07) төслийн нэгжээс улсын бүртгэлийн үйлчилгээний дэд бүтцийг сайжруулах зорилтын хүрээнд байгууллагад 3 төрлийн 396,7 сая төгрөгийн үнэ бүхий 100 ширхэг техник, тоног төхөөрөмжийг гардуулан өглөө.
Арга хэмжээний үеэр байгууллагын даргын албан үүргийг түр орлон гүйцэтгэгч У.Болдхүү Азийн хөгжлийн банкны хамт олонд хандан улсын бүртгэлийн үйлчилгээг иргэн, хуулийн этгээдэд түргэн шуурхай үзүүлэх, техник, программ хангамжийн шинэчлэлт хийхэд хамтран ажиллаж, дэмжлэг үзүүлж буйд талархал илэрхийлэхийн зэрэгцээ төслийг төлөвлөсөн хугацаанд хэрэгжүүлэхэд онцгой анхаарч, цаашид хамтын ажиллагаагаа өргөжүүлэх хүсэлтэйгээ илэрхийллээ.
.JPG)
.JPG)
