Улсын бүртгэлийн ерөнхий газрын спорт зааланд засвар үйлчилгээ хийж ашиглалтад орууллаа

  Монгол Улсын Биеийн тамир, спортын тухай хууль, Биеийн тамир, спортын улсын хорооны даргын 2023 оны "Аж ахуйн нэгж, байгууллага дахь биеийн тамир, спортын үйл ажиллагааны удирдамж батлах тухай" A/268 дугаар тушаалын хэрэгжилтийг хангах, Улсын бүртгэлийн ерөнхий газрын нийгмийн баталгааг хангах үндэсний хөтөлбөрийн хүрээнд ажлын байрны онцлог нөхцөлтэй уялдуулан ажиллагсдын идэвхитэй хөдөлгөөн спортоор хичээллэх орчныг бүрдүүлж, спорт зааланд засвар үйлчилгээ хийлээ.

  Тус арга хэмжээг авч хэрэгжүүлснээр албан хаагч, ажилтнуудад биеийн тамир, спортыг сурталчлах, тэднийг хөдөлгөөний дутагдлаас урьдчилан сэргийлэх, эрүүл зөв амьдралын хэв маягийг хэвшүүлж дадал болгох, халдварт бус өвчнөөс урьдчилан сэргийлэх, бие бялдраа чийрэгжүүлэх, чөлөөт цагаа зөв боловсон өнгөрүүлэх боломж бүрдэнэ.

  УБЕГ-ын албан хаагчид биеийн тамирын арга зүйчийн зөвлөгөө, удирдлага дор ажлын байрны дасгал хөдөлгөөнийг тогтмол хийж хэвшиж байна.