Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль, Төсвийн тухай хууль, Нягтлан бодох бүртгэлийн тухай хууль, холбогдох дүрэм, журмын дагуу улсын бүртгэлийн байгууллагын 2023 оны худалдан авах ажиллагаа явагдсан эсэхэд дотоод аудит хийж, илэрсэн асуудалд чиглэсэн зөвлөгөө өгөх, удирдлагад үнэн, зөв мэдээлэл хүргэх, цаашид авах арга хэмжээний санал, зөвлөмж өгөх, үйл ажиллагааг сайжруулахад дэмжлэг үзүүлэх, үүсэх эрсдэлээс урьдчилан сэргийлж, Улсын бүртгэлийн ерөнхий газрын даргын 2024 оны 02 дугаар сарын 23-ны өдөр батлагдсан удирдамжийн дагуу төлөвлөгөөт шалгалтыг 6 үзүүлэлтээр хийсэн. Үр дүнг илтгэх хуудсаар удирдлагад хүргүүлж, холбогдох 8 хугацаатай зөвлөмжийг хүргүүлсэн. Зөвлөмжийн биелэлтийг хүлээн авч, үнэлгээ өгсөн. 2024 оны худалдан авах ажиллагаанд өгсөн зөвлөмжийн хүрээнд Улсын бүртгэлийн ерөнхий газар нь Хууль зүй, дотоод хэргийн сайдын 2024 оны А/07 дугаар тушаалаар баталсан Худалдан авах ажиллагааны төлөвлөгөөний хүрээнд хөрөнгө оруулалтын зардлаас нээлттэй тендер шалгаруулалт 3, урсгал зардлаас шууд гэрээ 5, нээлттэй тендер шалгаруулалт 5, харьцуулалтын худалдан авалт 1, шууд худалдан авалт 3 тус тус хийсэн. Холбогдох тайлан, мэдээллийг Сангийн яам, ХЗДХЯ-ны Санхүү, хөрөнгө оруулалтын газар, Хяналт-шинжилгээ, үнэлгээ, дотоод аудитын газарт цаг хугацаанд нь хүргүүлэн ажиллалаа.
БОДЛОГО ТӨЛӨВЛӨЛТ, ДҮН ШИНЖИЛГЭЭНИЙ ГАЗАР
