Улсын бүртгэлийн ерөнхий газраас Аймаг, нийслэл, сум, дүүргийн иргэдийн Төлөөлөгчдийн Хурлын сонгуультай холбоотой хууль тогтоомжийн хэрэгжилтийг хангах ажлын хүрээнд итгэмжлэгдсэн ажилтнуудад зориулсан программын болон эрх зүйн сургалтыг аймаг, дүүргийн хэмжээнд 2024 оны 09 дүгээр сарын 27-ны өдрөөс 10 дугаар сарын 06-ны өдрүүдийн хооронд батлагдсан хөтөлбөр, хуваарийн дагуу зохион байгуулж байна.
Сургалтад ээлжит сонгуулийн үеэр ажиллах 2324 итгэмжлэгдсэн ажилтнууд хамрагдана.
Тус сургалтаар итгэмжлэгдсэн ажилтнуудад сонгуулийн санал авах өдөр сонгогчийн бүртгэлийг нягтлан шалгах, сонгогчийн бүртгэлийн программ хангамж, тоног төхөөрөмжийн ашиглалтын талаар мэдээлэл өгч, программын дадлага олгох сургалтыг зохион байгуулж, мөн сонгогчдын нэрийн жагсаалтыг хэвлэж, баталгаажуулах, программыг түгжих, битүүмжлэн лацдах ажлууд хийгдэнэ.
