Монгол хэлний тухай хуулийн 7 дугаар зүйлийн 7.2 дахь хэсэг, Монгол Улсын Засгийн газрын 2020 оны 96 дугаар тогтоолын хавсралтаар баталсан “Монгол бичгийн үндэсний хөтөлбөр III”-ын 3.3.7 дахь заалт, 2022 оны 7 дугаар тогтоол “Монгол хэлний тухай хуулийг хэрэгжүүлэх зарим арга хэмжээний тухай”-ын 5.3 дахь хэсэгт заасны дагуу төрийн байгууллагууд 2025 оноос төрийн албан хэргийг кирилл болон монгол бичгээр хөтлөн явуулахаар болсон билээ.
Улсын бүртгэлийн ерөнхий газрын дарга Д.Дэлгэрсайхан дээрх хууль тогтоомжийн хэрэгжилтийг хангах хүрээнд 2024 оны 10 дугаар сарын 02-ны өдөр “Агентлагийн албан хэрэгт кирилл болон үндэсний бичгийг хослон хэрэглэх бэлтгэл ажлыг хангах тухай” А/162 дугаар тушаал гаргаж төрийн албан хэргийг хос бичгээр хөтлөх ажлыг туршиж эхэллээ.
