Улсын бүртгэлийн байгууллага төрийн үйлчилгээг иргэн, хуулийн этгээдэд ойртуулах үүднээс 2023 онд нийслэлийн хэмжээнд 28 байршлаас улсын бүртгэлийн үйлчилгээ авах боломжийг бүрдүүлсэн бол 2024 оны нэгдүгээр сард “24/7 цахим үйлчилгээний төв”-ийг Улсын бүртгэлийн ерөнхий газрын 1 дүгээр давхарт нээн ажиллуулж 24 цагаар иргэдэд үйлчилгээ үзүүлж байна.
Иргэндээ үйлчилдэг ил тод, үр нөлөөтэй, ухаалаг төрийн үйлчилгээ бий болгох ажлын хүрээнд Үндэсний энгийн цахим гадаад паспорт захиалах цахим машиныг “Улаанбаатар төмөр зам” ХНН-ийн Зорчигч тээврийн төвийн 1 дүгээр давхарт байрлууллаа.
2024 оны 02 дугаар сарын 08-ны өдрөөс эхлэн Үндэсний энгийн цахим гадаад паспорт захиалах цахим машин 24 цагаар ажиллах ба иргэд өөрөө өөртөө үйлчлэн, уг төхөөрөмжөөр гадаад паспортын зураг даруулж, төлбөрөө төлөн захиалга хийх боломжтой юм.
Цахим машин ашиглах зааврыг доорх холбоосоор үзнэ үү.
https://www.facebook.com/watch/?v=2194643110876424
УБЕГ-ын Хамтын ажиллагаа, сургалтын хэлтэс
