Засгийн газрын агентлагийн эрх зүйн байдлын тухай хуулийн 8.4 Улсын бүртгэлийн ерөнхий хуулийн 17 дугаар зүйлийн 17.1.1 дэх хэсэг, Төсвийн тухай хуулийн 16 дугаар зүйлийн 16.5.6 дахь заалт, ХЗДХС-ын 2017 оны А/07 дугаар тушаалын хавсралтаар батлагдсан “Хууль зүй, дотоод хэргийн сайдын эрхлэх асуудлын хүрээний үйл ажиллагаанд дотоод хяналт, шалгалтыг зохион байгуулах нийтлэг журам”, Улсын бүртгэлийн ерөнхий газрын даргын 2021 оны А/576 тушаалын хавсралтаар батлагдсан “Улсын бүртгэлийн байгууллагын хяналт-шинжилгээ, үнэлгээний аргачлал”-ын хүрээнд аймгийн Улсын бүртгэлийн хэлтсийн үйл ажиллагаа холбогдох хууль, дүрэм журмын дагуу явагдаж байгаа эсэхэд дотоод аудит хийж , илэрсэн асуудалд чиглэсэн зөвлөгөө өгөх замаар цаашид авах арга хэмжээний санал зөвлөмж өгөх, үйл ажиллагааг сайжруулахад дэмжлэг үзүүлэх зорилгоор Улсын бүртгэлийн ерөнхий газрын Бодлого төлөвлөлт, дүн шинжилгээний газрын дарга Т.Гантөмөр, ахлах мэргэжилтэн С.Энхнаран, мэргэжилтэн Б.Энхзул, Д.Бүрнээбаяр, С.Энхчимэг нар Улсын бүртгэлийн ерөнхий газар (УБЕГ)-ын даргын 2023 оны 10 дугаар сарын 31-ний өдөр баталсан “Улсын бүртгэлийн хэлтсийн үйл ажиллагаанд хяналт-шинжилгээ, үнэлгээ хийх удирдамж”-ийн дагуу Архангай аймгийн Улсын бүртгэлийн хэлтсийн үйл ажиллагаанд 2023 оны 11 дүгээр сарын 01-03-ны өдрүүдэд хяналт-шинжилгээ, үнэлгээ хийв.
Архангай аймгийн Улсын бүртгэлийн хэлтсийн үйл ажиллагааг 12 үзүүлэлтийн дагуу шалгахад 84.3 хувь буюу “Сайн” гэж дүгнэгдсэн байна.
БОДЛОГО ТӨЛӨВЛӨЛТ, ДҮН ШИНЖИЛГЭЭНИЙ ГАЗАР
