БНСУ-ын Солонгосын олон улсын хамтын ажиллагааны байгууллага буюу КОЙКА-гийн буцалтгүй тусламжаар хэрэгжүүлж буй “Улсын бүртгэлийн системийн үйл ажиллагааг дэмжих төсөл”-ийн хүрээнд 2021 оны 05 дугаар сард техник, тоног төхөөрөмжийг УБЕГ-т гардуулан өгч байсан. Тэгвэл энэхүү төслийн хэрэгжилтийн явц болоод төслийн хүрээнд нийлүүлсэн серверийн тоног төхөөрөмж, нэгжийн тоног төхөөрөмж, хэвийн үйл ажиллагааг хянан шалгаж, холбогдох асуудлуудыг тодорхойлж шийдвэрлэх тал дээр хамтран ажиллах төслийн болон аудитын баг Улсын бүртгэлийн байгууллагад ажиллахаар томилогдсон байна.
Өнөөдөр /2022.03.11/ БНСУ-ын Солонгосын олон улсын хамтын ажиллагааны байгууллага буюу КОЙКА-гийн Монгол дахь төлөөлөгчийн газрын орлогч дарга Ли Жай Ён, мэргэжилтэн Б.Энхсаруул болон хамтарсан багийн гигшүүдийг УБЕГ-ын дарга Д.Дэлгэрсайхан, Мэдээллийн технологийн газрын дарга П.Нэргүй болон холбогдох албаны хүмүүс хүлээн авч уулзав. Уулзалтаар, УБЕГ-ын дарга “2011 оноос хойш хэд хэдэн томоохон төслүүдийг хэрэгжүүлэн,амжилттай ажиллаж байсныг дурдаад Улсын бүртгэлийн байгууллагын үйл ажиллагааг дэмжин, хамтран ажилладагт талархаж буйгаа илэрхийлж, хамтарсан багийг шаардлагатай мэдээ мэдээллээр хангаж, хамтран ажиллахаа илэрхийллээ.
БНСУ-ын Солонгосын олон улсын хамтын ажиллагааны байгууллага (КОЙКА)-ын санхүүжилтээр “Улсын бүртгэлийн системийн үйл ажиллагааг дэмжих төсөл”-ийг хэрэгжүүлэгч төслийн болон аудитын хамтарсан баг 2022 оны 03 дугаар сарын 10-ны өдрөөс 17-ны өдрийг хүртэлх хугацаанд Улсын бүртгэлийн байгууллагад ажиллах юм.
УБЕГ-ын Хамтын ажиллагаа, сургалтын хэлтэс
