Төрийн захиргааны албан хаагчийн тангараг өргөх ёслол боллоо

A- A A+
Төрийн захиргааны албан хаагчийн тангараг өргөх ёслол боллоо

Улсын бүртгэлийн ерөнхий газар болон дүүрэг дэх улсын бүртгэлийн хэлтсийн 9 албан хаагч өнөөдөр /2021.07.09/ Төрийн жинхэнэ албан хаагчийн тангараг өргөлөө. Тангараг өргөх ёслолын ажиллагааг УБЕГ-ын дарга Д.Дэлгэрсайхан нээв.

Тэрбээр, “Эх орон, ард түмнийхээ төлөө эрдэм чадлаа зориулж, төрийн хууль, Монгол Улсын хууль, ёс  зүйн хэм хэмжээг чанд сахиж, үндэсний язгуур ашиг сонирхолд захирагдан албан үүргээ үнэнч шударгаар биелүүлэхээ өнөөдөр тангараглан, тангарагийн бичигт гарын үсэг зурсан албан хаагчиддаа баяр хүргэж, өргөсөн тангарагтаа үнэнчээр ажиллан, төрийн жинхэнэ албан хаагчийнхаа нэр төрийг хариуцлагатайгаар өндөрт өргөж ажиллахыг хүслээ.”

Төрийн захиргааны албан хаагчийн тангараг өргөх ёслолд УБЕГ-ын болон Нийслэл дэх Улсын бүртгэлийн газар, хэлтсийн дарга нар мөн оролцлоо.  

 

УБЕГ-ын Хамтын ажиллагаа, сургалтын хэлтэс