Эд хөрөнгийн эрхийн улсын бүртгэлийн газраас ээлжит сургалтыг зохион байгуулж байна. Сургалтаар эд хөрөнгийн эрхийн улсын бүртгэл хөтлөх үйл ажиллагаа, цахим системд гарч буй нийтлэг алдаа зөрчлүүд, анхаарах асуудлуудын талаар зөвлөмж чиглэл өгөх бөгөөд энэхүү сургалтад аймаг, дүүрэг дэх Улсын бүртгэлийн хэлтсийн эд хөрөнгийн эрхийн улсын ахлах бүртгэгч болон улсын бүртгэгч нар хамрагдаж байна.
Сургалтын эхний өдөр буюу 09 дүгээр сарын 16-ны өдөр Баянзүрх, Хан-Уул, Чингэлтэй дүүрэг болон Нийслэлийн үйлчилгээний нэгдсэн төв болох Дүнжингарав, Мишээл төвийн улсын бүртгэгчид танхимаар хамрагдсан бол сургалтын 2 дахь өдөр буюу өнөөдөр /2020.09.18-нд/ Сонгинохайрхан, Баянгол, Сүхбаатар дүүрэг, түүнчлэн Нийслэлийн үйлчилгээний нэгдсэн төв болох Драгон, Баянхошуу, Баянгол И-март, Оргил төвийн улсын бүртгэгчид хамрагдаж байна.
Харин Багануур, Багахангай, Налайх дүүрэг болон 21 аймаг дахь улсын бүртгэлийн хэлтсийн эд хөрөнгийн эрхийн улсын бүртгэлийн тасгийн улсын ахлах бүртгэгч, улсын бүртгэгч нар цахимаар холбогдож сургалтад хамрагдаж байна.
