Нийслэлийн Чингэлтэй дүүрэг дэх Улсын бүртгэлийн хэлтсээс санаачлан ҮНЭРТ МАРКЕТИНГ-ийг үйлчилгээндээ нэвтрүүлж эхэллээ. Энэ нь орчин үед бие даасан хэлбэрээ хэдийнээ олж байгууллагын соёл болтлоо хөгжсөн маркетингийн арга хэрэгсэл бөгөөд тухайн байгууллагаар үйлчлүүлж буй иргэдийн сэтгэл ханамжийг дээшлүүлэх, мэдрэхүйд нь эерэгээр нөлөөлөх маркетинг аж.
Энэхүү үнэртүүлэх төхөөрөмжийг дэлхийн томоохон үйлчилгээний байгууллагууд өргөнөөр хэрэглэж байгаа бөгөөд үнэрт тос нь 100 хувь байгалийн гаралтай түүхий эдээр хийгдсэн. Тус төхөөрөмжийг байршуулснаар үйлчлүүлэгч, ажилтнуудад таатай орчинг бүрдүүлж, үйлчилгээ, орчны тохижилт болоод ажилтнуудын үйлчилгээний стандарттай хосолсноор төрийн үйлчилгээнд шинэ өнгө төрхийг бүрдүүллээ.
