2015-12-15НИЙСЛЭЛИЙН АЛСЛАГДСАН 3 ДҮҮРЭГТ ЗОХИОН БАЙГУУЛАГДСАН
“ХУУЛЬ ТОГТООМЖ СУРТАЛЧЛАХ НЭГДСЭН АРГА ХЭМЖЭЭ”-НД
УБЕГ-ААС ОРОЛЦОЖ АЖИЛЛАСАН ТУХАЙ ИЛТГЭХ ХУУДАС
Хууль зүйн яам, түүний харъяа агентлаг байгууллагууд, нийслэлийн алслагдсан 3 дүүргийн Засаг даргын Тамгын газар хамтран зохион байгуулсан “Хууль тогтоомж сурталчлах нэгдсэн арга хэмжээ” 10 дугаар сарын 05-наас 7-ны өдрүүдэд амжилттай болж өндөрлөлөө.
Энэхүү арга хэмжээнд тус газрын нэгжүүд болон 3 дүүргийн бүртгэлийн хэлтсийн давхардсан тоогоор нийт 40 гаруй албан хаагч идэвхи санаачлагатай оролцож, нийт 1993 иргэнд үйлчилгээ, мэдээлэл зөвлөгөө өгч, гарын авлага тарааж ажиллав. Үүнд:
1. Хууль тогтоомж сурталчлах чиглэлээр:
Улсын бүртгэлийн ерөнхий хууль, Иргэний бүртгэлийн тухай, Эд хөрөнгө өмчлөх эрх, түүнтэй холбоотой эд хөрөнгийн бусад эрхийн улсын бүртгэлийн тухай хууль, Хуулийн этгээдийн улсын бүртгэлийн тухай хууль, холбогдох бусад хууль тогтоомж, журам, зааврын талаар 1439 гаруй иргэнд эрх зүйн зөвлөгөө мэдээлэл өгч, гарын авлага, нэрийн хуудас, ном товхимол зэргийг бэлтгэж тараан ажиллав.
Үйлчилгээ үзүүлэх чиглэлээр:
Иргэний бүртгэлийн чиглэлээр 378, эд хөрөнгийн эрхийн бүртгэлийн чиглэлээр 164, хуулийн этгээдийн улсын бүртгэлийн чиглэлээр 12 иргэнд тус тус үйлчилгээ үзүүлэв. Тухайлбал,
- Иргэний цахим үнэмлэхээ гээж үрэгдүүлсэн, гэмтээж хүчинтэй байдал нь алдагдсан 43 иргэний цахим үнэмлэхийн захиалгыг ТҮЦ машины тусламжтайгаар хүлээн авч 1 хоногт хэвлэн иргэдэд буцааж олгов.
- Иргэний үнэмлэхийн хугацаа нь дууссан 35 иргэний материалыг хүлээн авч, зураг, хурууны хээгээр бүртгэн цахим үнэмлэхийн 25, 45 насны хугацааны сунгалтын үйлчилгээг үзүүлэв.
- Үндэсний энгийн гадаад паспортын хүчинтэй хугацаа нь дууссан 59 иргэний материалыг хүлээн авч тухайн өдрүүдэд өдөрт нь буцаан олгох ажлыг зохион байгуулав.
3. Бусад чиглэлээр:
“Хууль тогтоомж сурталчлах нэгдсэн арга хэмжээ”-г Налайх, Багануур, Багахангай дүүргийн бүртгэлийн хэлтсийн холбогдох удирдлагууд дүүргийнхээ телевизэд мэдээ, ярилцлага өгөхөөс гадна хороодын алба, аж ахуй нэгж байгууллага болон улсын бүртгэгч нараар дамжуулан иргэд, олон нийтэд зар түгээж, сурталчилж ажилласан болно.
---оОо---
