ШИНЭЧЛЭН БОЛОВСРУУЛСАН МАЯГТЫН ЗАГВАР, ЖУРМЫН ТАНИЛЦУУЛГА
Эд хөрөнгийн эрхийн улсын бүртгэлийн үйл ажиллагаанд хэрэглэгдэж байгаа Улсын бүртгэлийн ерөнхий газрын даргын 2014 оны 8 дугаар сарын 27-ны өдрийн “Загвар, журам шинэчлэн батлах тухай” А/1125 дугаартай тушаалын 1-9 дүгээр хавсралтаар батлагдсан барьцаалбарын маягтын загварууд болон барьцааны зүйлийг худалдах тухай мэдэгдэл, барьцааны зүйлийг худалдах тухай мэдэгдэл хүргүүлэх журмыг хууль тогтоомжид нийцүүлэн шинэчлэн батлах зайлшгүй шаардлага үүсээд байна.
Эд хөрөнгийн эрхийн улсын бүртгэлийн газраас Улсын бүртгэлийн ерөнхий газрын даргын 2014 оны “Загвар, журам шинэчлэн батлах тухай” А/1125 дугаартай тушаалын 1 дүгээр хавсралт “Барьцаалбарын загвар”-ыг шинэчилж “Барьцаалбар” ЭУБ-16 маягт;
-2 дугаар хавсралт “Барьцаалбарын шилжүүлгийн маягт”-ын загвар, 3 дугаар хавсралт “Барьцаалбарын барьцааны маягт”-ын загвар, 4 дүгээр хавсралт “Барьцаалбарын давхар барьцааны маягт”-ын загваруудыг нэгтгэн “Барьцаалбарын барьцаа, давхар барьцаа, барьцаалбарын шилжүүлэг” ЭУБ-17 маягт;
-5 дугаар хавсралт “Барьцаалбарын агуулгад өөрчлөлт оруулах маягт”-ын загвар, 6 дугаар хавсралт “Барьцаагаар хангагдах үүргийн гүйцэтгэлийн талаарх мэдээллийн маягт”-ын загваруудыг нэгтгэн “Барьцаалбарт өөрчлөлт оруулах, тэмдэглэл хийх” ЭУБ-18 маягт;
-7 дугаар хавсралт “Барьцаалбар үйлдсэн үл хөдлөх эд хөрөнгийн давхар барьцааны маягт”-ын загварыг шинэчлэн “Барьцаалбар үйлдсэн үл хөдлөх эд хөрөнгийн давхар барьцаа” ЭУБ-19 маягт,
-9 дүгээр хавсралт “Барьцааны зүйлийг худалдах мэдэгдлийн маягт”-ын загварыг шинэчлэн “Барьцааны зүйлийг худалдах мэдэгдэл” ЭУБ-20 маягт;
-8 дугаар хавсралтаар батлагдсан “Барьцааны зүйлийг худалдах мэдэгдэл хүргэх журам”-ыг шинэчлэн боловсруулж Барьцааны зүйлийг худалдах мэдэгдэл хүргүүлэх журам” нэртэйгээр тус тус төслийг боловсруулан танилцуулж байна.
