Улсын бүртгэлийн байгууллага нь ил тод, үр нөлөөтэй, ухаалаг төрийн үйлчилгээг бий болгох зорилт тавин цаг хугацаанаас үл хамааран иргэдэд хүртээмжтэй, шинэлэг, орчин үеийн шийдэл бүхий үйлчилгээ үзүүлэх “24/7 цахим үйлчилгээний төв”-ийг нийслэл болон орон нутгийн улсын бүртгэлийн хэлтсүүдэд үе шаттайгаар нээн ажиллуулахаар төлөвлөн бэлтгэл байдлыг ханган ажиллаж байгаа билээ.
УБЕГ-ын төв байранд 2024 оны 01 сарын 29-ний өдөр анхны улсын бүртгэлийн “24/7 цахим үйлчилгээний төв”-ийн үйл ажиллагааг эхлүүлсэн бол энэ удаа орон нутаг дахь бүртгэлийн хэлтсүүдээс анхлан “Говь-Алтай аймгийн улсын бүртгэлийн хэлтэс”-т 2024 оны 01 сарын 31-ний өдөр нээж, үйл ажиллагааг эхлүүлээд байна.
Тус төвөөс дараах лавлагаа үйлчилгээнүүдийг авах боломжтой. Үүнд:
- 6 төрлийн үйлчилгээ /Иргэний улсын бүртгэл-3, Эд хөрөнгийн эрхийн улсын бүртгэл-3/
- 18 төрлийн лавлагаа /Иргэний улсын бүртгэл-12, Хуулийн этгээдийн улсын бүртгэл-4, Эд хөрөнгийн эрхийн улсын бүртгэл-2/
- Тоон гарын үсэг шинээр авах үйлчилгээ
- Иргэний цахим үнэмлэхийн мэдээлэл авах үйлчилгээ
- Төлбөр тооцооны үйлчилгээ
УБЕГ-ын Хамтын ажиллагаа, сургалтын хэлтэс
