Засгийн газрын “Чөлөөлье” бодлогын хүрээнд хуулийн этгээдийн улсын бүртгэлийн үйлчилгээний эрх зүйн орчныг боловсронгуй болгох, хөрөнгө оруулагчдын эрх, хууль ёсны ашиг сонирхлыг хамгаалах, үйлчилгээний хүртээмжийг нэмэгдүүлэх зорилгоор холбогдох хууль тогтоомжид өөрчлөлт орууллаа. Тодруулбал:
Гадаадын хөрөнгө оруулалттай хуулийн этгээдийг бүртгэх хугацаа ажлын 10 өдөр байсныг 5 өдөр болгон богиносгосон; https://legalinfo.mn/mn/detail/13591
Гадаадын хөрөнгө оруулалттай хуулийн этгээдийг бүртгэх болон төлөөлөгчийн газрын хугацаа сунгах тэмдэгтийн хураамж 750000 байсныг 350000 төгрөг, мэдээлэлд оруулсан өөрчлөлт 40000 төгрөг байсныг дотоодын хуулийн этгээдтэй ижил 10000 төгрөг болгон багасгалаа; https://legalinfo.mn/mn/detail/515
Хуулийн этгээд мэдээлэлд оруулсан өөрчлөлтөө бүртгүүлэх хугацаа ажлын 15 өдөр байсан нь гадаад улсад үйлдэгдсэн баримт бичгийг хуулийн хугацаанд бүртгүүлэхэд хүндрэл үүсч Зөрчлийн тухай хуулиар торгууль ногдуулах нөхцөл үүсдэг байсныг ажлын 30 өдөр болгон уртасгалаа.
Төрийн байгууллага өөрт байгаа, эсхүл нийтийн мэдээллийн дэд бүтцийг ашиглан олж авах боломжтой мэдээллийг хүн, хуулийн этгээдээс шаардахгүй байх зармыг баримтлан татварын тодорхойлолт шаардсан заалтыг хүчингүй болголоо.
