E-Business 2.0 системийн шинэчилсэн хувилбар нь хуулийн этгээдийг үүсгэн байгуулахтай холбоотой үйл ажиллагааг бүрэн цахим хэлбэрээр хэрэгжүүлэх боломж бүрдэж, иргэн, хуулийн этгээд төрийн байгууллагад биечлэн хандах шаардлага багасаж, цаг хугацаа болон зардлаа хэмнэх нөхцөл бүрдлээ.
Мөн цаасан суурьтай бүртгэлийн үйл ажиллагааг цахимжуулснаар бичиг баримтын хэвлэл, хадгалалт, архивын зардал буурч, төрийн үйлчилгээний бүтээмж нэмэгдэх ач холбогдолтой юм. Түүнчлэн бүртгэлийн үйл ажиллагааны тодорхой үе шатууд цахимжсанаар улсын бүртгэгчийн гар ажиллагаа болон ажлын ачаалал буурч, үйлчилгээг илүү шуурхай, хүртээмжтэй хүргэх боломж бүрдэж байна.
Шинэчилсэн хувилбараар:
✔️ Хуулийн этгээдийн нэрийг хиймэл оюун ухаанд (AI) суурилан шүүх;
✔️ Хуулийн этгээдийн дансыг цахимаар нээх;
✔️ Хуулийн этгээдийн тамга, тэмдгийн дугаарыг цахимаар илгээх;
✔️ Хуулийн этгээдийг шинээр байгуулах баримт бичгийг олон улсын жишигт нийцүүлэн тоон гарын үсгээр баталгаажуулан цахимаар илгээх боломжийг тус тус бүрдүүллээ.
.jpg)
