Улсын бүртгэлийн байгууллагад томилогдон ажиллаж байгаа болон томилогдохоор нэр дэвшсэн төрийн захиргааны албан хаагчдад улсын бүртгэлийн болон бусад хууль, эрх зүйн актын мэдлэг олгох, төрийн албан хаагчийн болон улсын бүртгэлийн байгууллагын албан хаагчийн ёс зүйн хэм хэмжээг таниулах, албан үүргээ гүйцэтгэхэд шаардлагатай нөхцөл, боломжийг бүрдүүлэх зорилгоор 2026 оны гуравдугаар сарын 02-10-ны өдрүүдэд “Шинээр томилогдсон албан хаагчдыг чиглүүлэх, дадлагажуулах сургалт”-ыг зохион байгууллаа.
Чиглүүлэх, онолын мэдлэг олгох танхимын сургалтыг 03 дугаар сарын 02-03-ны өдрүүдэд, харин ажлын байранд бэлтгэх, дадлагажуулах сургалтыг 03 дугаар сарын 04-06-ны өдрүүдэд дүүргийн улсын бүртгэлийн хэлтэст зохион байгуулж нийт 25 албан хаагч хамрагдлаа.
Сургалтад хамрагдсан албан хаагчдад УБЕГ-ын дарга Д.Давааням өнөөдөр (2026.03.10) батламжийг гардуулан өгч, “Шинээр томилогдсон албан хаагчдыг чиглүүлэх, дадлагажуулах сургалтын модуль” хөтөлбөрт хамрагдсан албан хаагчдад хандан улсын бүртгэлийн үйлчилгээг иргэн, хуулийн этгээдэд чирэгдэлгүй, хүнд сурталгүй хүргэх, бүртгэлийн болон холбогдох хууль, эрх зүйн актыг чанд мөрдөн ажиллахыг анхааруулж, цаашдын ажилд нь амжилт хүслээ.
