Улсын бүртгэлийн ерөнхий газрын дэрэгдэх Ёс зүйн дэд хороо нь 2024 оны 10 дугаар сарын 25-ны өдрийн байдлаар ёс зүйн зөрчилтэй 13 өргөдөл гомдлыг хүлээн авч шийдвэрлэснээс 5 нь ёс зүйн зөрчилд тооцохгүй тухай, 8 нь ёс зүйн зөрчилд тооцох тухай дүгнэлтийг гаргасан. Ёс зүйн зөрчилд тооцох тухай дүгнэлтийг үндэслэн 3 албан хаагчид Төрийн албан хаагчийн ёс зүйн тухай хуулийн 16 дугаар зүйлийн 16.1.3-т заасан “Байгууллагын албан хаагчдын өмнө нээлттэй сануулах” ёс зүйн хариуцлагыг, 2 албан хаагчид Төрийн албаны тухай хуулийн 48 дугаар зүйлийн 48.1.2-т заасан “Нийт ажилтанд зарлах хэлбэрээр нээлттэй сануулах” сахилгын шийтгэлийг тус тус хүлээлгэсэн байна.
УЛСЫН БҮРТГЭЛИЙН ЕРӨНХИЙ ГАЗРЫН ЁС ЗҮЙН ДЭД ХОРОО
