Монгол Улсын Их Хурлын 2024 оны 27 дугаар тогтоолын хавсралтаар “Төрийн албан хаагчийн ёс зүйн зөрчлөөс урьдчилан сэргийлэх, соён гэгээрүүлэх үндэсний хөтөлбөр /2024-2030 он/”-ийг баталсантай уялдуулан тус хорооноос “Улсын бүртгэлийн байгууллагын төрийн албан хаагчийн ёс зүйн зөрчлөөс урьдчилан сэргийлэх, соён гэгээрүүлэх ажлын 2024 оны төлөвлөгөө”-г нийт 8 арга хэмжээний хүрээнд боловсруулж, 2024 оны 09 дүгээр сарын 24-ний өдрийн хурлаар баталсан бөгөөд уг төлөвлөгөөний хэрэгжилтийг хангах ажлын хүрээнд албан хаагчдийг ёс зүйн зөрчлөөс урьдчилан сэргийлэх зорилгоор “Төрийн албан хаагчийн ёс зүйн зөрчлийн хуудас”-ийг боловсруулж, төлөвлөгөөний хамт газар, хэлтсүүдэд хүргүүлсэн.
Мөн Улсын бүртгэлийн байгууллагын соёл, ёс зүйн үнэт зүйлийг тодорхойлохын тулд байгууллагын соёл, ёс зүйн өнөөгийн байдлыг үнэлэх зорилгоор 2024 оны 10 дугаар сарын 8-15-ны өдрүүдэд бүртгэлийн байгууллагын албан хаагчдаас цахимаар судалгааг авах ажлыг зохион байгуулан ажиллаж байна.
УЛСЫН БҮРТГЭЛИЙН ЕРӨНХИЙ ГАЗРЫН ЁС ЗҮЙН ДЭД ХОРОО
