Хөдөлмөрийн дотоод журмын хэрэгжилтэд хяналт-шинжилгээ, үнэлгээ хийх.
УБЕГ-ын даргын 2023 оны А/1716 дугаар тушаалын хавсралтаар батлагдсан “Хөдөлмөрийн дотоод журам”-ын зарим заалтын хэрэгжилтэд хяналт тавих, зөвлөн туслах УБЕГ-ын даргын 2024.04.09-ны өдрийн “Орон нутгийн улсын бүртгэлийн хэлтсийн хөдөлмөрийн дотоод журмын зарим зүйл хэсгүүдийн хэрэгжилтэд дотоод аудит хийх ажлын удирдамж”-ийн хүрээнд Архангай, Баянхонгор, Булган, Дархан-Уул, Дорноговь, Дундговь, Завхан, Орхон, Сүхбаатар, Төв, Увс аймгуудын улсын бүртгэлийн хэлтсийн төрийн албан хаагчдын цалингийн нэгдсэн систем болон хүний нөөцийн удирдлагын системд төлөвлөгөөт шалгалтыг хийж, илэрсэн асуудалд чиглэсэн 10 зөвлөмжийг 2024.05.13-ны өдрийн 7/6431 дугаар албан бичгээр хүргүүлж биелэлтийг 06 дугаар сарын 25-ны өдөр хүлээн авч удирдлагад танилцуулахаар ажиллаж байна.
Улсын бүртгэлийн хэлтсийн үйл ажиллагаанд дотоод аудит хийх.
1. Ховд аймгийн УБХ-ийн нэр бүхий 13 албан хаагч гарын үсэг зурж, “Улсын бүртгэлийн ерөнхий газрын дарга Д.Дэлгэрсайхан, Тамгын газрын дарга Г.Цолмон, Санхүүгийн хэлтсийн дарга Б.Өэлүн-Үжин нарт” хандан 2024 оны 01 дүгээр сарын 10-ны өдөр хянан шалгах 10 асуудлын хүсэлт ирүүлсний дагуу УБЕГ-ын дарга үүрэг даалгавар өгч, Бодлого төлөвлөлт, дүн шинжилгээний газрын дарга Т.Гантөмөр, ахлах мэргэжилтэн С.Энхнаран нар тус хэлтэст 2023 оны 01 дүгээр сарын 14-нөөс 16-ны хооронд ажилласан. Албан хаагчидтай биечлэн уулзалт, ярилцлага хийн тэмдэглэл үйлдэж, тайлан бүртгэл, анхан шатны баримтуудыг үзэж, баталгаажуулж, үр дүнг илтгэх хуудсаар эрх бүхий албан тушаалтан нарт хүргүүлсэн.
2.Нийслэлийн Баянзүрх дүүргийн Улсын бүртгэлийн хэлтсийн дотоод үйл ажиллагаанд төлөвлөгөөт шалгалтыг 2024 оны 02 дугаар сарын 21-23-ний өдрүүдэд хийж гүйцэтгэсэн.
Дээрх нэгжид хийгдсэн төлөвлөгөөт шалгалтын дүнг илтгэх хуудсаар УБЕГ-ын даргад танилцуулан, 2024.03.14-ний өдрийн 7/3290 дугаар албан бичгээр зөвлөмж хүргүүлэн, зөвлөмжийн биелэлтийг гаргуулан авч хэрэгжилтийг тооцон, Даргын зөвлөлийн хурлаар хэлэлцүүлсэн.
Улсын бүртгэлийн байгууллагад Үндэсний аудитын газар болон бусад байгууллагаас ирүүлсэн аудитын зөвлөмжид хяналт тавих.
Улсын бүртгэлийн байгууллагын 23 нэгжийн 2023 оны санхүүгийн тайлангийн үйл ажиллагаанд төрийн аудитын байгууллагын дүгнэлтээр 22 нэгж “өөрчлөлтгүй”, 1 нэгж “хязгаарлалттай” дүгнэлт авсан ба 15 нэгж ямар нэгэн алдаа, зөрчилгүй, 8 нэгж 6 акт, 9 албан шаардлага, 12 зөвлөмж бүхий алдаа зөрчил илэрснийг хяналтанд авч ажиллаж байна. 2024 оны 06 дугаар сарын 10-ны өдрийн байдлаар зөвлөмжийн биелэлтийн хугацаа болсон 3 нэгж биелэлтийг хугацаанд нь хэрэгжүүлсэн.рүүлсэн. Дээрх 8 нэгж нь төрийн аудитын байгууллагын нэгдсэн цахим сан болох fas.audit.mn-д мэдээллийг байршуулсан. Биелэлтийн хугацааг мөрдөн ажиллах зөвлөмжийг дээрх 8 нэгжид 05 дугаар сарын 08-ны өдөр 7/6187 тоот бичгээр, мөн дээрх алдаа зөрчлийг давтан гаргахгүй байх зөвлөмжийг 21 аймгийн улсын бүртгэлийн хэлтэст 04 дүгээр сарын 23-ны өдөр 7/5342 албан бичгээр тус тус хүргүүлсэн.
Шилэн дансны хуулийн хэрэгжилтийг хангаж ажилласан тайланг ХЗДХЯ-нд хүргүүлэх.
Шилэн дансны тухай хуулийг хэрэгжүүлж төсвийн байгууллагын батлагдсан төсөв, гүйцэтгэлийн 59 мэдээллийг төсвийн байгууллагын шилэн дансны цахим хуудас болон төвлөрүүлэн захирагчийн цахим хуудсанд сар бүрийн 07-ны өдрийн дотор байршуулсан.
“Шилэн дансны цахим хуудсанд тавих мэдээллийн агуулга, нийтлэг стандартыг тогтоох журам”-ын 3.2-т заасан нийтэд мэдээлэх 17 төрлийн 1407 мэдээллийг байршуулахаас 1 мэдээллийг хугацаа хоцроосон байна.
Шилэн дансны хуулийн хэрэгжилтийн 2023 оны жилийн эцсийн нэгдсэн тайланг 2024 оны 01 дүгээр сарын 17-ны өдөр ХЗДХЯ-ны дотоод аудиторт undraa@mojha.gov.mn, 2024 оны 1 дүгээр улирлын тайланг ХЗДХЯ-ны ахлах шинжээчид tumurochir@mojha.gov.mn цахим шуудангаар тус тус хүргүүлсэн.
Шилэн дансны нэгдсэн санд байршуулсан мэдээлэл бүрийг улсын бүртгэлийн байгууллагын албан ёсны цахим хаяг болох burtgel.gov.mn-д тухай бүр байршуулж байна.
Тус онд шилэн дансны нэгдсэн санд мэдээлэл байршуулах хуваарийг БТДШГ-ын даргаар батлуулан 01 дүгээр сарын 30-ны өдөр 7 дугаартайгаар 21 аймгийн улсын бүртгэлийн хэлтэс, НУБГ, УБЕГ-т хүргүүлсэн.
Сар бүрийн тайлан мэдээ байршуулах хугацаа, мэдээллийг тухай бүрт нэгжийн дарга нарт хүргэн ажиллаж байна.
Улсын бүртгэлийн байгууллагын 2024 оны үйл ажиллагаанд эрсдэлийн үнэлгээ хийх.
Хууль зүй, дотоод хэргийн сайдын 2022 оны А/120 тушаалаар шинэчлэн батлагдсан “Харъяа агентлаг, байгууллагын эрсдэлийн үнэлгээ хийх менежментийн төлөвлөгөөг удирдлага болгон Улсын бүртгэлийн байгууллагын 2024 оны Эрсдэлийн менежментийн төлөвлөгөөний төслийг боловсруулан удирдлагад танилцуулсан. Улсын бүртгэлийн бүх газар, нэгжүүдэд төслийг танилцуулж, санал ирүүлэх тухай 05 дугаар сарын 20-ны 7/6819, 7/6804 дугаартай албан бичиг, 396 дугаартай дотоод албан бичгийг тус тус хүргүүлсэн. Ирүүлсэн саналыг 05 дугаар сарын 27-ны дотор нэгтгэн удирдлагад танилцуулсан. Эрсдэлийн менежментийн сургалтад тус оны 06 дугаар сард хамрагдах бөгөөд 2024 оны эрсдэлийн төлөвлөгөөний төслийг нарийвчлан хэлэлцүүлсний эцэст батлуулан ажиллаж байна.
