ЭМДЕГ-аас Улсын бүртгэлийн байгууллагын албан хаагчдад эрүүл мэндийн даатгалын ач холбогдол, эдэлж болох хөнгөлөлт, урамшууллыг хэрхэн ашиглах зэрэг асуудлуудын хүрээнд зөвлөмж чиглэл өгөх зорилго бүхий сургалтыг өнөөдөр /2023.04.20/ зохион байгуулж байна.
Сургалтад нийт 200 орчим албан хаагч хамрагдсан бөгөөд Улсын бүртгэлийн ерөнхий газрын албан хаагчид танхимаар, нийслэл болон орон нутаг дахь Улсын бүртгэлийн хэлтсийн албан хаагчид цахимаар хамрагдаж байна.
Эрүүл мэндийн даатгалын тухай ойлголт, түүний хэрэглээ ба ашиглалтын талаар Эрүүл мэндийн даатгалын ерөнхий газрын Бодлого, төлөвлөлтийн газрын ахлах мэргэжилтэн Д. Булгантамир мэдээлэл хүргэж, сургалтын төгсгөлд албан хаагчдын асуусан асуултад хариулт өгснөөр өнөөдрийн сургалт өндөрлөлөө.
УБЕГ-ын Хамтын ажиллагаа, сургалтын хэлтэс
