Монгол Улсын Засгийн газрын 2008 оны 64 дүгээр тогтоолоор иргэний, эд хөрөнгийн, хуулийн этгээдийн бүртгэлийн 3 байгууллагыг нэгтгэн зохион байгуулахад Тэргүүн шадар сайдын 2009 оны 28 дугаар тушаалаар Улсын бүртгэлийн ерөнхий газрын бүтцэд Улсын бүртгэлийн төв архивыг байгуулж, бүрэлдэхүүнд нь Иргэний баримтын төв архив, Эд хөрөнгийн эрхийн улсын бүртгэлийн архив, Хуулийн этгээдийн улсын бүртгэлийн архив ажиллахаар тогтоож, архивын хэрэглэгч нь иргэн, хуулийн этгээд байна гэж тодорхойлсон юм.
2015 оны 1 дүгээр улирлын байдлаар 17767 хадгаламжийн нэгж, 17205616 ширхэг буюу хуудас цаасан суурьт баримт бичиг хадгалагдан, хамгаалагдаж, иргэд, байгууллагын хэрэгцээнд ашиглагдаж байна.

Иргэний баримтын төв архив, Эд хөрөнгийн эрхийн бүртгэлийн архив, Хуулийн этгээдийн бүртгэлийн архивт өөр, өөр орчин нөхцөлтэй, тус тусдаа байранд салангид байршиж, хадгалагдаж буй цаасан суурьт баримтуудыг нэгтгэн олон улсын архивын жишигт нийцсэн, орчин үеийн стандарт бүхий нэг байранд төвлөрүүлж мэдээлэл, технологийн ололтыг ашиглан тодорхой стандартын дагуу бар коджуулж, цахим хэлбэрт шилжүүлэн Улсын бүртгэлийн нэгдсэн цахим архив үүсгэж “Нэг иргэн-Нэг бүртгэл” зорилтын хүрээнд “Бүртгэл мэдээллийн цахим архив” төслийг боловсруулан хэрэгжүүлж ажиллаж байна.