Тус байгууллагуудаас ирүүлсэн мэдээллийг хүлээн авч тухайн сонгогчийг сонгогчдын нэрийн жагсаалтаас хасалгүйгээр “Тайлбар” хэсэгт “Түр хасав” гэсэн нэмэлт тэмдэглэгээ хийдэг ба 2024 оны ээлжит сонгуулиар нийт 181 776 сонгогчийн бүртгэлд түр хасав тэмдэглэгээг хийсэн байна.

Монгол Улсын Их Хурлын Сонгуулийн тухай хуулийн 24 дүгээр зүйлийн 1 дэх хэсэгт заасны дагуу Монгол Улсын Их Хурлын 2024 оны ээлжит сонгуулиар дараах сонгогч, сонгогч шилжилтээр бүртгүүлэхээр заасан.

Иргэний улсын бүртгэлийн тухай хуулийн 19 дүгээр зүйлд “Шилжилт хөдөлгөөний бүртгэл”-ийг хэрхэн хийх талаарх зохицуулалтыг тусгасан байдаг. Тус хуулийн холбогдох заалтын хүрээнд Улсын бүртгэлийн байгууллага нь 2024 оны 01 дүгээр сараас 04 дүгээр сарын 29-ний өдрийг хүртэл хугацаанд 70 071 иргэний шилжилт хөдөлгөөний бүртгэлийг бүртгэсэн байна. Тус бүртгэлийн тоог Монгол Улсын Их Хурлын ээлжит 2020 оны мөн үеийн хугацаатай харьцуулан үзэхэд 70 хувиар буурсан байгаа бөгөөд тус онд 229 149 иргэний шилжилт хөдөлгөөний бүртгэл бүртгэгдсэн юм. Тодруулбал, Шилжилт хөдөлгөөний бүртгэл Монгол Улсын Их Хурлын ээлжит 2024 оны сонгуульт жилд буурсан нь энэ жилийн сонгуулийн онцлог буюу холимог тогтолцоотой, бүсчилсэн байдлаар явагдаж байгаа нь нөлөөлсөн байна.

Монгол Улсын Их Хурлын сонгуулийн тухай хуулийн 20 дугаар зүйлийн 20.15 дах хэсэгт “Улсын бүртгэлийн асуудал эрхэлсэн төрийн захиргааны байгууллага ээлжит сонгуульд оролцохоор бүртгүүлсэн нам, эвслийг төлөөлөх эрх бүхий этгээдийн хүсэлтийн дагуу энэ хуулийн 20.9-т заасан сонгогчдын нэрийн жагсаалтын сонгогчдын эцэг /эх/-ийн болон өөрийн нэр, иргэний бүртгэлийн дугаар, байнга оршин суугаа газрын хаяг бүхий хэсгийг санал авах өдрөөс 20-иос доошгүй хоногийн өмнө болон санал авах өдрөөс 3 хоногийн өмнө тус тус цахим хэлбэрээр олгоно” гэж заасан. Сонгогчдын нэрийн жагсаалттай танилцах хүсэлтээ гаргасан нам, эвсэлд сонгогчдын нэрийн жагсаалтын цахим хэлбэрийг хүлээлгэн өгөх үйл ажиллагааг 2024 оны 06 дугаар сарын 08-ны өдөр Улсын бүртгэлийн ерөнхий газарт зохион байгуулж, .... нам, эвслийг төлөөлөх эрх бүхий этгээдэд сонгогчдын нэрийн жагсаалтыг цахим хэлбэрээр хүлээлгэн өгсөн. 2024 оны 06 дугаар сарын 25-ны өдөр сонгогчдын нэрийн жагсаалтын цахим хэлбэртэй танилцахаар хүсэлтээ гаргасан нам, эвслийг төлөөлөх эрх бүхий этгээдэд сонгогчдын нэрийн жагсаалтын цахим хэлбэрээр олгох бэлтгэл ажлыг ханган ажиллаж байна.

Улсын бүртгэлийн байгууллагын ажилтан, итгэмжлэгдсэн ажилтнуудын сургалтыг зохион байгуулж байна. Монгол Улсын Их Хурлын Сонгуулийн тухай хууль, түүнтэй холбоотой бусад хууль тогтоомжийн хэрэгжилтийг хангах зорилгын хүрээнд “Улсын бүртгэлийн байгууллагын ажилтан, итгэмжлэгдсэн ажилтнууд”-д зориулсан “Эрх зүйн болон программын сургалт”-ыг Улсын бүртгэлийн байгууллага зохион байгуулж байна. Сургалтын явцад итгэмжлэгдсэн ажилтнуудад Монгол Улсын Их Хурлын Сонгуулийн тухай хууль болон түүнтэй холбоотой бусад хууль тогтоомжид тусгагдсан итгэмжлэгдсэн ажилтны эрх, үүрэг, анхаарах асуудлын талаар мэдээлэл өгч ажиллалаа. Мөн сонгуулийн тоног төхөөрөмж, программын танилцуулга, сервер болон клиент компьютерүүдийг сүлжээгээр холбох, модем ашиглах, IP хаяг, системийн цагийг тохируулах, сонгогчдын нэрийн жагсаалтад лавлагаагаар өөрчлөлт оруулах, түүнийг тулгах, албажуулах, сонгогчдын нэрийн жагсаалтыг хэвлэх, программыг түгжих, битүүмжлэн лацдах зэрэг ажлыг хийж гүйцэтгэлээ. Өнөөдрийн байдлаар /2024.06.21/ Улсын бүртгэлийн ерөнхий газрын даргын баталсан хуваарийн дагуу 11 баг бүрэлдэхүүн 19 аймгийн нийт 2040 хэсгийн хорооны 2338 итгэмжлэгдсэн ажилтнуудад сургалтыг амжилттай зохион байгуулсан. 2024 оны 06 дугаар сарын 22, 23-ны өдрүүдэд хийхээр төлөвлөсөн 2 аймгийн итгэмжлэгдсэн ажилтны сургалтыг зохион байгуулснаар орон нутгийн сургалтууд өндөрлөх юм. Түүнчлэн нийслэлийн 9 дүүргийн итгэмжлэгдсэн ажилтнуудын сургалтыг 06 дугаар сарын 23,24-ний өдрүүдэд зохион байгуулахаар бэлтгэл ажлыг ханган ажиллаж байна.

УБЕГ-ын 2024 оны эхний хагас жилд гүйцэтгэсэн ажлын тайлан

Дотоод аудитын ажлын тайлан

"Алсын хараа-2050" Монгол Улсын урт хугацааны хөгжлийн бодлогын хэрэгжилт

Сонгуульд оролцохоор бүртгүүлсэн нам, эвсэлд сонгогчдын нэрийн жагсаалтыг хүлээлгэн өглөө

УБЕГ-ын 2024 оны 05 сарын төсвийн гүйцэтгэлийн мэдээ

УБЕГ-н 2024 оны 05 сарын нэгтгэсэн Төсвийн гүйцэтгэлийн мэдээний хэтрэлт, хэмнэлт, тайлбар

Улсын бүртгэлийн ерөнхий газраас нам, эвсэл болон төрийн бус байгууллагатай уулзалт зохион байгууллаа

“Эрсдэлийн менежментийн тогтолцооны ISO 31000:2022 стандарт” сэдвээр албан хаагчдад зориулсан сургалтыг зохион байгуулж байна

“Эрсдэлийн менежментийн тогтолцооны ISO 31000:2022 стандарт” сэдвээр албан хаагчдад зориулсан сургалтыг зохион байгуулж байна

Улсын бүртгэлийн байгууллагын албан хаагчдын ажиллах нөхцөл, нийгмийн баталгааг хангах 2024 оны үйл ажиллагааны төлөвлөгөө