Татварын ерөнхий хууль /шинэчилсэн найруулга/-ийг дагаж мөрдөх журмын тухай хуулийн 9 дүгээр зүйлд заасны дагуу хуулийн этгээд нь эцсийн өмчлөгчийн мэдээллээ улсын бүртгэлд бүртгүүлэх үүргийг хүлээсэн тул эцсийн өмчлөгчийн мэдээллээ бүртгүүлээгүй доорх жагсаалтанд багтсан хуулийн этгээдүүд 2025 оны 02 дугаар сарын 01-ний өдрийн дотор аймаг, дүүргийн Улсын бүртгэлийн хэлтэс, Нийслэлийн үйлчилгээний нэгдсэн төв, цэгүүдэд болон төрийн үйлчилгээний E-Business.mn цахим системээр дамжуулан яаралтай бүртгүүлэхийг мэдэгдэж байна.
Дээрх хугацаанд эцсийн өмчлөгчийн мэдээллээ улсын бүртгэлд бүртгүүлээгүй тохиолдолд улсын бүртгэлийн цахим сангийн мэдээллийг санхүү, татвар, нийгмийн даатгал зэрэг төрийн эрх бүхий байгууллагад илгээхгүй бөгөөд энэ нь хуулийн этгээд татвар, санхүүгийн тайлан илгээх, төрийн байгууллагын худалдан авах ажиллагаанд оролцох боломжгүй болох эрсдэлтэйг анхаарна уу.
Хуулийн этгээд эцсийн өмчлөгчийн мэдээллийг улсын бүртгэлд бүртгүүлэхдээ дараах баримт бичгийг бүрдүүлнэ.
- “Хуулийн этгээдийн эцсийн өмчлөгчийн мэдээллийг улсын бүртгэлд бүртгүүлэх өргөдөл” УБ-12 маягт;
ТАТАХ БОЛ ЭНД ДАРНА УУ https://burtgel.gov.mn/service/index.php/les-newlist/download/
- Улсын тэмдэгтийн хураамж төлсөн баримт /10000/;
- Гадаадын иргэн бол паспортын хуулбар /F-регистрийн дугаар/;
- Үргэлжилсэн хэлхээ холбоо бүхий гадаадын хуулийн этгээд бол тухайн улсын эрх бүхий байгууллагаар баталгаажуулсан хуулийн этгээдийн гэрчилгээний хуулбар, түүний орчуулгын баталгаажуулсан хувь.
