Улсын бүртгэлийн үйлчилгээнд харилцан адилгүй олон төрлийн үнэ, хураамжийг шат дамжлага болгонд авч, иргэдэд хүндрэл чирэгдэл учруулдаг байсан. Тэгвэл энэхүү төлбөр, хураамжийн асуудлыг цэгцэлж, үйлчилгээний хураамжийг шинэчлэн тогтоох ажлын хүрээнд "Улсын бүртгэлийн үйлчилгээний хөлсний хэмжээг тогтоох тухай" Засгийн газрын 2010 оны 237 дугаар тогтоол батлагдан гарсан.

Монгол Улсын Ерөнхийлөгч Ц.Элбэгдорж шинэ оны өмнө Монгол Улсын иргэний шинэчилсэн бүртгэлд бүртгүүлж, шинэчилсэн бүртгэлийн ажлын явцтай танилцан, Монгол Улсын иргэний шинэчилсэн бүртгэлийн ажлыг богино хугацаанд үр дүнтэй зохион явуулсан байна гэж дүгнэлээ.

Монгол Улсад бүртгэлийн байгууллага үүсэн байгуулагдсаны 70 жилийн ой, улс тунхагласны баярын тэмдэглэлт өдөр тус газрын 40 гаруй албан хаагч төрийн жинхэнэ албан хаагчийн тангарагаа өнөөдөр өргөлөө.

Монгол Улсын Ерөнхий сайд С.Батболдын ОХУ-д хийж буй албан ёсны айлчлалын хүрээнд Монгол Улсын бүртгэлийн ерөнхий газрын дарга Л.Мөнхбаатар, ОХУ-ын Хууль зүйн яамны Улсын бүртгэлийн танхимын дарга Р.А. Адельхан нар Москва хотноо 2010 оны 12 дугаар сарын 14-ны өдөр хэлэлцээрт гарын үсэг зурж, хоёр байгууллагын хамтын ажиллагааны хүрээнд хуулийн этгээдийн бүртгэлийн чиглэлээр хамтран ажиллахаар тохиролцов.

Тус газрынхан 70 жилийн ойгоо угтаж бүртгэлийн салбарт олон жил үр бүтээл, идэвхи зүтгэлтэй ажиллаж, ажлаараа тэргүүлсэн алба хаагч нарыг тодруулж, Монгол Улсын тэргүүн шадар сайд Н.Алтанхуягийн тушаалаар “Улсын бүртгэлийн тэргүүний ажилтан” цол тэмдэгээр нэр бүхий хүмүүст шагнал урамшуулал олголоо.

Please publish modules in offcanvas position.