Тус газрынхан 70 жилийн ойгоо угтаж бүртгэлийн салбарт олон жил үр бүтээл, идэвхи зүтгэлтэй ажиллаж, ажлаараа тэргүүлсэн алба хаагч нарыг тодруулж, Монгол Улсын тэргүүн шадар сайд Н.Алтанхуягийн тушаалаар “Улсын бүртгэлийн тэргүүний ажилтан” цол тэмдэгээр нэр бүхий хүмүүст шагнал урамшуулал олголоо.

Тус газрын “Улсын бүртгэлийн тэргүүний ажилтан” цол, тэмдэгээр Мэдээлэл, технологийн газрын ерөнхий инженер Т.Алагсай, Бүртгэлийн хяналтын газрын хяналтын улсын байцаагч Л.Батмөнх, З.Мөнхцэцэг, Иргэний баримтын архивын дарга Д.Эрдэнэчимэг, Тамгын газрын слесарь Г.Балжинням, Эд хөрөнгийн эрхийн бүртгэлийн газрын улсын ахлах бүртгэгч П.Энхмаа, Чингэлтэй дүүргийн Иргэний бүртгэл, мэдээллийн тасгийн хяналтын улсын байцаагч Ж.Янжваа, Дархан-Уул аймгийн Улсын бүртгэлийн хэлтсийн хяналтын улсын байцаагч Б.Цогзолмаа, тус аймгийн Иргэний бүртгэлийн тасгийн дарга Ш.Баярмаа, ахмад ажилтан Б.Даариймаа, Г.Баатар нарын нийт 59 хүнийг салбарын тэргүүнээр шагнаж урамшуулав. “Улсын бүртгэлийн тэргүүний ажилтан” цол, тэмдэг хүртсэн дээрх албан хаагчдад тус газрын дарга Л.Мөнхбаатар баяр хүргэн, цаашдынх нь ажилд амжилт хүслээ.