ОХУ-ын Хууль зүйн яамны Улсын бүртгэлийн танхимтай хэлэлцээрт гарын үсэг зурав

Монгол Улсын Ерөнхий сайд С.Батболдын ОХУ-д хийж буй албан ёсны айлчлалын хүрээнд Монгол Улсын бүртгэлийн ерөнхий газрын дарга Л.Мөнхбаатар, ОХУ-ын Хууль зүйн яамны Улсын бүртгэлийн танхимын дарга Р.А. Адельхан нар Москва хотноо 2010 оны 12 дугаар сарын 14-ны өдөр хэлэлцээрт гарын үсэг зурж, хоёр байгууллагын хамтын ажиллагааны хүрээнд хуулийн этгээдийн бүртгэлийн чиглэлээр хамтран ажиллахаар тохиролцов.

Уг хэлэлцээр байгуулагдсанаар хоёр улсын компани, хуулийн этгээд, төлөөлөгчийн газар, салбарыг бүртгэх, түүнтэй холбоотой мэдээллийг солилцох, мэргэжилтэн харилцан туршлага судлуулахаас гадна хууль тогтоомж, түүний практик хэрэглээний талаар мэдээлэл солилцох юм. Мөн хоёр байгууллагын хамтын ажиллагааг цаашид өргөжүүлэх, хуулийн этгээдийн бүртгэлийн үйл ажиллагааг боловсронгуй болгох, орчин үеийн бүртгэлийн чиг хандлагад нийцүүлэх, туршлага солилцох чиглэлээр уг хэлэлцээр хийгдсэн нь Монгол Улс болон ОХУ-ын бүртгэлийн байгууллагуудын хамтын ажиллагааг шинэ шатанд гаргасан чухал ач холбогдолтой арга хэмжээ боллоо. Хэлэлцээрт гарын үсэг зурах үйл ажиллагаанд Монгол Улсаас ОХУ-д суугаа ЭСЯ-ны болон ОХУ-ын Хууль зүйн яамны холбогдох албаны хүмүүс байлцлаа.

Please publish modules in offcanvas position.