“Хөөрхөн үрсдээ бэлэглэе” аяныг зохион байгууллаа

Хүүхэд багачуудынхаа хичээлийн шинэ жилийг баяр хөөр, урам зоригтой угтуулах зорилгоор Улсын бүртгэлийн ерөнхий газар болон дүүргийн Улсын бүртгэлийн хэлтсийн албан хаагчдын дунд “Хөөрхөн үрсдээ бэлэглэе” аяныг зохион байгууллаа.

Аяны хүрээнд УБЕГ-ын хамт олон болон дүүргийн Улсын бүртгэлийн хэлтсийн алба хаагчид өөрсдийн санаачилга, оролцоонд тулгуурлан хүүхдүүдэд хэрэг болохуйц хичээлийн хэрэглэл, ном, дэвтэр, нотебүүк, тоглоом болон бусад хэрэглэгдэхүүнийг цуглуулж, бэлэг болгон бэлтгэсэн байна.

Нэгдсэн арга хэмжээ өнөөдөр /2026.08.25/ зохион байгуулагдаж, аяны хүрээнд цуглуулсан сэтгэлийн бэлгүүдийг эздэд нь хүргэлээ.

Сэтгэлийн бэлгэнд ном, дэвтэр, хичээлийн хэрэглэл, тоглоом, нотебүүк, дүрэмт хувцас зэрэг олон төрлийн бэлэг багтсан бөгөөд хүрэлцэн ирсэн хүмүүс, хүүхдүүд өөрсдийн хүссэн, сонирхсон зүйлсээ сонгон авах боломжийг бүрдүүлсэн юм.

Түүнчлэн, “Хүүхдийн төлөө за бол заавал хийе” аяны хүрээнд нийслэлийн дүүрэг болон орон нутгийн Улсын бүртгэлийн хэлтсүүд өөрсдийн санаачилгаар хүүхдүүдэд зориулсан ажил, арга хэмжээг тус тус зохион байгуулж, хэрэгжүүлэн ажиллаж байна.

Хүүхдийн баяр хөөр, хүсэл тэмүүллийг дэмжих энгийн нэгэн сайхан санаа олон хүний оролцоотойгоор үнэ цэнтэй үйлс болж, ах эгч нараас нь дүү нартаа хүрэх сэтгэлийн бэлэг болон үргэлжилж байна.

#ХҮҮХДИЙН_ТӨЛӨӨ_ЗА_БОЛ_ЗААВАЛ_ХИЙЕ