Авлигатай тэмцэх газар болон Нийслэлийн прокурорын газартай хамтран “Авлигаас урьдчилан сэргийлэх үйл ажиллагаа” сэдэвт ээлжит сургалтыг өнөөдөр (2026.02.28) зохион байгууллаа.
Сургалтад Улсын бүртгэлийн ерөнхий газрын албан хаагчид, мөн орон нутаг болон дүүргийн улсын бүртгэлийн хэлтсийн нийт 500 орчим албан хаагч танхим болон цахим хэлбэрээр хамрагдав.
Сургалтыг АТГ-ын Урьдчилан сэргийлэх, соён гэгээрүүлэх хэлтсийн ажилтан, комиссар Б.Баяртөгс “Авлигаас урьдчилан сэргийлэх үйл ажиллагаа” сэдвээр нээж, авлигын эрсдэлийг бууруулах арга зам, байгууллагын дотоод хяналт, ёс зүйн хэм хэмжээг мөрдүүлэх талаар мэдээлэл өглөө.
Үргэлжлүүлэн Нийслэлийн прокурорын газрын Хэрэг бүртгэх, мөрдөн байцаах ажиллагаанд хяналт тавих I хэлтсийн хяналтын прокурор Л.Содбаяр, Ч.Түмэн-Өлзий нар “Авлигын гэмт хэрэг болон ашиг сонирхлын зөрчлөөс урьдчилан сэргийлэх зарим асуудал” сэдвээр илтгэл хэлэлцүүлэв.
Илтгэгчид өөрсдийн сэдэвтэй уялдуулан бодит кейс, жишээ баримтад тулгуурлан хэлэлцүүлэг өрнүүлж, авлига болон ашиг сонирхлын зөрчлөөс урьдчилан сэргийлэхэд анхаарах асуудлуудыг тодорхой тайлбарлав. Мөн албан хаагчдын асуултад хариулт өгч, практикт тулгарч буй нөхцөл байдлын талаар санал солилцлоо.
