Авлигатай тэмцэх газар, Улсын ерөнхий прокурорын газар хамтран "Авлигаас урьдчилан сэргийлэх, гэмт хэрэг зөрчлөөс урьдчилан сэргийлэх нь" сэдвийн хүрээнд ээлжит сургалтыг зохион байгууллаа.
Сургалтад Улсын бүртгэлийн ерөнхий газрын албан хаагчид болон орон нутаг, дүүргийн улсын бүртгэлийн хэлтсийн дарга, албан хаагчид, хяналтын улсын байцаагчид оролцож танхим болон цахимаар хамрагдав.
Тус сургалтыг Нийслэлийн прокурорын газрын хяналтын прокурор Ч.Түмэн-Өлзий “Авлигын гэмт хэргийн тухай ойлголт” сэдвээр эхлүүлж, үргэлжлүүлэн АТГ-ын Урьдчилан сэргийлэх, соён гэгээрүүлэх хэлтсийн ажилтан, комиссар Д.Балдандорж “Авилгатай тэмцэх газар, Авилгаас урьдчилан сэргийлэх үйл ажиллагаа” сэдвээр илтгэж, тус тусын сэдэвтэй уялдуулан бодит кейс болон жишээ баримт дээр үндэслэн хэлэлцүүлэг өрнүүлж, албан хаагчдын зүгээс асуусан асуултад хариулт өгч ажиллалаа.
