Засгийн газрын 2007 оны 221 дүгээр тогтоолоор батлагдсан “Төрийн албан хаагчдын орон сууц дэд хөтөлбөр”-ийг хэрэгжүүлэх, хөдөө орон нутаг дахь албан хаагчдын нийгмийн баталгааг хангах, дэмжлэг үзүүлэх зорилгоор орон нутгийн улсын бүртгэлийн хэлтсийн өрх толгойлсон, орон сууцны зээлтэй 9 албан хаагчид мөнгөн дэмжлэг үзүүллээ.
Байгууллагын даргын 2024 оны А/180 дугаар тушаалаар баталсан “Төрийн албан хаагчийн сургалт, ажиллах нөхцөл, нийгмийн баталгааг хангах хөтөлбөр”, 2023 оны А/1716 дугаар тушаалаар баталсан “Хөдөлмөрийн дотоод журам”-ын холбогдох заалтыг үндэслэн “Төрийн албан хаагчдын төрийн албанд ажилласан жил, амьдралын нөхцөл, албан тушаалын тодорхойлолтод заасан чиг үүргээ амжилттай хэрэгжүүлсэн ажлын үр дүн, сахилга, ёс зүйн зөрчил, манлайлал ур чадвар” зэргийг харгалзан шийдвэрлэжээ.
