Оюуны өмч, улсын бүртгэлийн ерөнхий газраас бүртгэлийн үйл ажиллагааг түргэн шуурхай хүргэх зорилтын хүрээнд банкны карт уншигч буюу пос машиныг гадаад паспортын үйлчилгээнд 2017 оны 05 дугаар сараас эхлэн нэвтрүүлсэн. Ингэснээр иргэд гадаад паспорттай холбоотой тэмдэгтийн хураамжийг төлөхийн тулд заавал банкруу явж, очер дараалалд зогсон цаг хугацаагаа алдах шаардлагагүй. Цаашид бүртгэлийн бүх үйлчилгээнд пос машиныг ашиглахыг зорьж байгаа юм. 

Хуулийн этгээдийн бүртгэлийн газар болон орон нутгийн хуулийн этгээдийн улсын бүртгэгч нарын ур чадвар, хууль, эрх зүйн мэдлэгийг дээшлүүлэх, бүртгэлд тулгамдаж байгаа асуудлаар цогц ойлголт өгөх зорилгоор Оюуны өмч, улсын бүртгэлийн ерөнхий газраас хуулийн этгээдийн улсын бүртгэгч нарын нэгдсэн сургалт, зөвлөгөөнийг 10 дугаар сарын 7,8-ны өдрүүдэд зохион байгууллаа. Сургалтад хуулийн этгээдийн бүртгэлийн газар болон 21 аймаг, Багануур дүүргийн хуулийн этгээдийн улсын бүртгэгч нар хамрагдав. 

Дэлгэрэнгүй ...

2007-2013 онд манай улсад хэрэгжсэн Монголын Мянганы сорилтын сангийн Хөрөнгийн эрхийн төслийн хүрээнд нийслэлийн 9 дүүрэг болон Завхан, Төв, Хэнтий, Ховд, Өвөрхангай, Орхон, Дархан-Уул, Дорнод аймгийн эд хөрөнгийн архивын цаасан баримтыг цахим хэлбэрт шилжүүлсэн.

Дэлгэрэнгүй ...

ЭД ХӨРӨНГИЙН ЭРХИЙН УЛСЫН БҮРТГЭЛ ХӨТЛӨХ ЖУРАМ

  Нэг. Нийтлэг үндэслэл

1.1.Энэхүү журмын зорилго нь улсын бүртгэлийн хууль тогтоомжид заасан эд хөрөнгө өмчлөх, эзэмших, ашиглах эрх тэдгээртэй холбоотой эд хөрөнгийн бусад эрхийг улсын бүртгэлд бүртгэх үйл ажиллагааг хэрэгжүүлж, улсын бүртгэлийг хөтлөхтэй холбоотой харилцааг зохицуулахад оршино. 

1.2.Улсын бүртгэлийн ерөнхий хуулийн 11 дүгээр зүйлд заасан эрх бүхий этгээд нь эд хөрөнгө өмчлөх, эзэмших, ашиглах эрх, тэдгээртэй холбоотой эд хөрөнгийн бусад эрхийг нотлох баримтад үндэслэн хуульд заасан журмын дагуу эрхийн улсын бүртгэлд бүртгэнэ.  

Хоёр. Эд хөрөнгийн эрхийн улсын бүртгэл хөтлөх

2.1.Эд хөрөнгийн эрхийн улсын бүртгэлийг хөтлөхдөө дараах дарааллыг баримтлана. Үүнд:

Дэлгэрэнгүй ...

Дэлгэрэнгүй ...

Оюуны өмч, улсын бүртгэлийн ерөнхий газар Монгол Улсын Их сургуультай хамтран ажиллах гэрээ байгууллаа. Гэрээнд ОӨУБЕГ-ын дэд дарга Д.Дэлгэрсайхан, МУИС-ын захирал, доктор Я.Төмөрбаатар нар гарын үсэг зурав. Гэрээний хүрээнд талуудын хөгжил дэвшилд шаардлагатай хамтарсан судалгаа шинжилгээний ажил хийх, төсөл, хөтөлбөр хэрэгжүүлэх, байгууллагын үйл ажиллагаатай холбоотой төсөл, судалгаанд багш эрдэмтэд, мэргэжил, арга зүйн зөвлөгөө өгөх, сургалт зохион байгуулах чиглэлээр хамтран ажиллах юм.

Дэлгэрэнгүй ...