Хуулийн этгээдийн бүртгэлийн газар болон орон нутгийн хуулийн этгээдийн улсын бүртгэгч нарын ур чадвар, хууль, эрх зүйн мэдлэгийг дээшлүүлэх, бүртгэлд тулгамдаж байгаа асуудлаар цогц ойлголт өгөх зорилгоор Оюуны өмч, улсын бүртгэлийн ерөнхий газраас хуулийн этгээдийн улсын бүртгэгч нарын нэгдсэн сургалт, зөвлөгөөнийг 10 дугаар сарын 7,8-ны өдрүүдэд зохион байгууллаа. Сургалтад хуулийн этгээдийн бүртгэлийн газар болон 21 аймаг, Багануур дүүргийн хуулийн этгээдийн улсын бүртгэгч нар хамрагдав. 

Сургалтаар  хуулийн этгээдийн улсын бүртгэлийн үйл ажиллагаа, анхаарах асуудлууд, цаашдын зорилт, ХХК болон хувьцаат компани, хоршоо, нөхөрлөл, ТББ-ын улсын бүртгэл, анхаарах асуудлууд, төрийн болон төрийн өмчит хуулийн этгээдийг үүсгэн байгуулах, улсын бүртгэлд бүртгэхэд анхаарах асуудлууд, хуулийн этгээдийн бүртгэлийн LES програмтай холбоотой анхаарах асуудлуудын талаар мэдээлэл өглөө. Сургалтын төгсгөлд хуулийн этгээдийн улсын бүртгэгч нарт сертификат гардууллаа.