Улсын Их Хурлын Хууль зүйн байнгын хорооны өнөөдрийн (2018.05.30) хуралдаанаар дөрвөн асуудал хэлэлцэж шийдвэрлэлээ. Байнгын хорооны хуралдаан 09 цаг 44 минутад 55.6 хувийн ирцтэй эхэлсэн юм.
Оюуны өмч, улсын бүртгэлийн ерөнхий газар нь Азийн хөгжлийн банкны техникийн туслалцааны дэмжлэгтэйгээр “Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох” ТА-9372 (51135-001) төслийг 2017-2020 онд хэрэгжүүлэх гэж байна.
Энэхүү төсөл нь иргэний улсын бүртгэлийн үйлчилгээний хүртээмжийг сайжруулах, шинэчлэн батлагдсан хууль эрх зүйн хэрэгжилтэд дэмжлэг үзүүлэх, бүртгэлийн үйлчилгээг хялбарчлах, алслагдсан сумд, хороодыг бүртгэлийн нэгдсэн системд холбох, иргэний бүртгэлийн цахим үйлчилгээг олон нийтэд түгээх, бүртгэлийн нэгдсэн санг хөгжүүлэх, сайжруулах, чадавхийг бэхжүүлэх зорилготой.
Засгийн газраас 2018 оны тавдугаар сарын 04-ний өдөр өргөн мэдүүлсэн Улсын бүртгэлийн ерөнхий хуулийн шинэчилсэн найруулгын төсөл болон хамт өргөн мэдүүлсэн бусад хуулийн төслүүдийн үзэл баримтлалын төслийн хэлэлцүүлэг боллоо. Хэлэлцүүлэгт УИХ-ын гишүүн Ц.Мөнх-Оргил, УИХ-ын гишүүн Н.Учрал, УИХ-ын гишүүн Д.Ганболд, Хууль зүй, дотоод хэргийн дэд сайд Б.Энхбаяр, ажлын хэсгийн гишүүд, Оюуны өмч, улсын бүртгэлийн ерөнхий газрын удирдлагууд оролцов. Хуулийн төсөл болон “Нэг иргэн-Нэг бүртгэл” үндэсний хөтөлбөр, бүртгэлийн байгууллагын үйл ажиллагааны талаар Оюуны өмч, улсын бүртгэлийн ерөнхий газрын даргын үүргийг түр орлон гүйцэтгэгч Д.Дэлгэрсайхан танилцууллаа.
Хууль зүй, дотоод хэргийн яамны харьяа агентлаг, байгууллагуудын албан хаагчдын дунд жил бүр уламжлал болгон зохион байгуулдаг спортын наадам 2018 оны 05 сарын 17-23-ны өдрүүдэд болж байна.
Төрийн байгууллага хоорондын ажлын уялдааг хангах, хамтын ажиллагааг өргөжүүлэх, мэдээллийг цахим хэлбэрээр солилцох, үйл ажиллагаандаа ашиглах, төрийн үйлчилгээг хялбаршуулах зорилгоор Оюуны өмч, улсын бүртгэлийн ерөнхий газрын даргын үүргийг түр орлон гүйцэтгэгч Д.Дэлгэрсайхан, Шүүхийн ерөнхий зөвлөлийн гүйцэтгэх нарийн бичгийн дарга Т.Мэндсайхан нар 2018 оны 05 сарын 22-ны өдөр “Улсын бүртгэлийн цахим мэдээллийн санд холбогдон мэдээлэл авах, цахимаар нотлох баримт, лавлагаа, мэдээлэл солилцох тухай гэрээ”-г байгуулав.
Оюуны өмч, улсын бүртгэлийн байгууллагад Азийн хөгжлийн банкны техникийн туслалцааны дэмжлэгтэйгээр хэрэгжиж байгаа “Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох” төслийн хүрээнд төв, орон нутгийн мэдээллийн технологийн ажилтнуудын чадавхийг бэхжүүлэх сургалтыг 2018 оны 5 дугаар сарын 17-18 өдрүүдэд Улаанбаатар хотноо зохион байгууллаа. Тус сургалтад Оюуны өмч, улсын бүртгэлийн ерөнхий газар, Мэдээллийн технологийн газар, нийслэл, дүүрэг, 21 аймгийн төлөөлөл бүхий 70 гаруй албан тушаалтан, ажилтан оролцов.