Улсын бүртгэлийн ерөнхий газрын албан хаагчдын сургалтын нэгдсэн хөтөлбөр, 2018 оны сургалтын төлөвлөгөөний дагуу орон нутгийн хуулийн этгээдийн улсын бүртгэгч нарт бүртгэлийн хууль тогтоомжийг таниулах, бүртгэлийн үйл ажиллагаанд гарч буй алдаа дутагдлыг багасгах, дүрэм, журмыг нэг мөр ойлгох, мэдээлэл өгөх зорилгоор 2018 оны 06 сарын 26-ны өдөр онлайнаар сургалт зохион байгууллаа.
Улсын бүртгэлийн ерөнхий хуулийн шинэчилсэн найруулгын төсөл болон хамт өргөн мэдүүлсэн бусад хуулийн төслүүдийн эцсийн хэлэлцүүлгийг хийж баталсан. Энэ талаар УИХ-ын гишүүн Л.Мөнхбаатартай ярилцлаа.
-Улсын бүртгэлийн тухай багц хуулиудыг баталлаа. Хуулийн ажлын хэсэгт орж ажилласан хүний хувьд энэ хуулийн талаар дэлгэрэнгүй мэдээлэл өгөхгүй юу?
-Улсын Их Хурал бүртгэлийн багц хууль буюу Улсын бүртгэлийн ерөнхий хууль, Иргэний улсын бүртгэлийн тухай, Хуулийн этгээдийн улсын бүртгэлийн тухай, Эд хөрөнгийн эрхийн улсын бүртгэлийн тухай хуулиудыг шинэчлэн баталлаа. Улсын бүртгэлийн ерөнхий газрын даргаар ажиллаж байсан учраас хуулийн төслийн ажлын хэсэгт орж ажиллахад, мэдээж өмнө ажиллаж байсан туршлага, хуулийг практикт хэрэгжүүлэхэд ямар хүндрэл, бэрхшээл учирдгийг мэдэх учраас ойр байлаа.
Улсын Их Хурлын 2018 оны хаврын ээлжит чуулганы өнөөдрийн (2018.06.21) нэгдсэн хуралдаанаар Улсын бүртгэлийн ерөнхий хуулийн шинэчилсэн найруулгын төсөл болон хамт өргөн мэдүүлсэн бусад хуулийн төслүүдийн эцсийн хэлэлцүүлгийг хийж баталлаа. Засгийн газраас 2018 оны 05 дугаар сарын 04-ний өдөр өргөн мэдүүлсэн Улсын бүртгэлийн ерөнхий хуулийн шинэчилсэн найруулгын төсөл болон холбогдох бусад хуулийн төслүүдийн анхны хэлэлцүүлгийг 05 дугаар сарын 31-ний өдрийн чуулганы нэгдсэн хуралдаанаараа хэлэлцэж, эцсийн хэлэлцүүлэгт бэлтгүүлэхээр Хууль зүйн байнгын хороонд шилжүүлсэн. Хуулийн төслүүдийг эцсийн хэлэлцүүлэгт бэлтгэсэн талаарх Хууль зүйн байнгын хорооны танилцуулгыг Улсын Их Хурлын гишүүн Л.Мөнхбаатар хийсэн юм.
Улсын бүртгэлийн ерөнхий газрын албан хаагчдын сургалтын нэгдсэн хөтөлбөр, 2018 оны сургалтын төлөвлөгөөний дагуу бүртгэлийн цахим системийн шинэчлэл, түүнийг нэвтрүүлэх бэлтгэл ажлыг хангах зорилгоор төв, нийслэл, орон нутгийн эд хөрөнгийн эрхийн улсын бүртгэгч нарт 2018 оны 06 сарын 14-ний өдөр онлайнаар сургалт зохион байгууллаа. Сургалтад 21 аймаг, нийслэл, дүүргүүдийн эд хөрөнгийн эрхийн улсын бүртгэгч нар хамрагдав.
