Улсын бүртгэлийн ерөнхий газрын албан хаагчдын сургалтын нэгдсэн хөтөлбөр, 2018 оны сургалтын төлөвлөгөөний дагуу орон нутгийн хуулийн этгээдийн улсын бүртгэгч нарт бүртгэлийн хууль тогтоомжийг таниулах, бүртгэлийн үйл ажиллагаанд гарч буй алдаа дутагдлыг багасгах, дүрэм, журмыг нэг мөр ойлгох, мэдээлэл өгөх зорилгоор 2018 оны 06 сарын 26-ны өдөр онлайнаар сургалт зохион байгууллаа. 

Сургалтад 21 аймаг, Багануур дүүргийн Улсын бүртгэлийн хэлтсийн хуулийн этгээдийн улсын бүртгэгч нар бүрэн хамрагдав. Сургалтыг Хуулийн этгээдийн бүртгэлийн газрын дарга Д.Болормаа нээж, Хуулийн этгээдийн оноосон нэр олгох, баталгаажуулах талаар дэлгэрэнгүй хичээл зааж, асуултад хариуллаа.

Мөн Хуулийн этгээдийн бүртгэлийн газрын 2018 оны сүүлийн хагас жилийн зорилтыг товч таниулцуулсан бөгөөд цаашид анхаарах асуудлууд, бүртгэлийн үйл ажиллагаанд гарч байгаа алдаа дутагдлыг хуулийн заалт тус бүрээр тайлбарлав.