Шинэчлэлийн Засгийн газраас хэрэгжүүлж буй төрийн үйлчилгээг иргэдэд хүнд сурталгүй, хурдан шуурхай, хүртээмжтэй хүргэх ажлын хүрээнд “Төрийн түгжрэлгүй үйлчилгээ” зорилтын дор “Төрийн үйлчилгээний цахим машин” буюу “ТҮЦ МАШИН”-ыг нэвтрүүлэн ашиглалтад оруулсан.
Улсын бүртгэлийн ерөнхий газраас үл хөдлөх эд хөрөнгийн улсын бүртгэлийн үйлчилгээг иргэдэд ойртуулах, хүртээмжтэй, шуурхай хүргэх зорилгоор УБЕГ-ын даргын 2013 оны 1447 дугаар тушаалаар “нийслэлийн Багануур, Баянгол, Баянзүрх, Сонгинохайрхан, Чингэлтэй, Хан-Уул дүүрэгт Эд хөрөнгө өмчлөх эрхийн улсын бүртгэлийн гэрчилгээнд улсын бүртгэгч дангаар гарын үсэг зурж, баталгаажуулах эрхийг олгож, иргэдэд хүргэх үйлчилгээний шат дамжлагыг буурууллаа.
Авлигатай тэмцэх газраас нийтийн албан тушаалтнуудад авлигын эсрэг хууль тогтоомжийг таниулах, эдгээрийг өдөр тутмын ажилдаа мөрдлөг болгож хэрэглэх, авлига болон ашиг сонирхлын зөрчилд өртөхөөс урьдчилан сэргийлэх, аливаа хууль бус үйлдлээс өөрийгөө хамгаалах, мэдлэг мэдээлэл өгөх зорилгоор тус газарт сургалт зохион байгууллаа.
МОНГОЛ УЛСЫН ЗАСГИЙН ГАЗРЫН ХЭРЭГЖҮҮЛЭГЧ АГЕНТЛАГ - УЛСЫН БҮРТГЭЛИЙН ЕРӨНХИЙ ГАЗРЫН ХАРЬЯА ГАЗАР, ХЭЛТСИЙН ДАРГЫН албан тушаалд томилогдох ажилтны сонгон шалгаруулалтыг зарлаж байна.
Улсын бүртгэлийн ерөнхий газар 12 дугаар сарын 07-ны өдрийн Бямба гарагт буюу энэ амралтын өдөр ажиллана. Энэ өдөр иргэдэд иргэн, эд хөрөнгө, хуулийн этгээдийн бүртгэл хийхээс гадна архивын лавлагаа, гадаад паспортын материал хүлээн авах, олгох зэрэг улсын бүртгэлийн бүхий л төрлийн үйлчилгээг үзүүлэх тул та бүхэн өргөнөөр үйлчлүүлнэ үү.
Улсын бүртгэлийн байгууллага үүсэн байгуулагдсаны 73 жилийн ой, “Улсын бүртгэлийн ажилтны өдөр”-ийг 4 дэх жилдээ тэмдэглэн өнгөрүүлж буй энэ цаг мөчид улсын бүртгэлийн хууль тогтоомж, эрх зүйн актын талаар нэгдсэн ойлголт өгөх, байгууллагын дотоод үйл ажиллагаатай холбогдсон танин мэдэхүйн өргөн цар хүрээтэй мэдээллээр хангах зорилгоор “Улсын бүртгэл” улирал тутмын сэтгүүлийн Анхны дугаарыг гаргаж, нийт албан хаагч нартаа бэлэг болгон өргөн барилаа.
