Previous Next

Сургалт, спортын арга хэмжээ зохион байгууллаа

User Rating: 0 / 5

Star InactiveStar InactiveStar InactiveStar InactiveStar Inactive
 

Улсын бүртгэлийн ажилтны өдрийг угтаж тус аймгийн Улсын бүртгэлийн хэлтэс энэ сарын 6-8-ны өдрүүдэд нийт албан хаагчдынхаа дунд сургалт, спортын арга хэмжээг зохион байгууллаа.

Энэ хүрээнд эхний өдөр суманд явагдаж буй улсын бүртгэлийн үйл ажиллагаатай танилцах зорилгоор аймгийн Сайхандулаан сумын улсын бүртгэгч М.Наранцацралын ажлын туршлагатай танилцаж санал солилцохоос гадна сумын ЗДТГ-ын албан хаагч нартай мэдээлэл, санал солилцов. Уулзалтын дараа сумын Тамгын газрын хамт олонтой гар бөмбөгийн нөхөрсөг тэмцээнийг амжилттай зохион байгууллаа.

Энэ үеэр ажлын амжилтаараа бусдыгаа хошуучлан манлайлан ажиллаж байгаа зарим албан хаагчийг шагнаж урамшуулав. Залуучуудын холбооны шагнал Тэргүүний залуу алтан медалиар Хатанбулаг сумын улсын бүртгэгч З. Чимэдцэрэн, Хөдөлмөрийн алтан медалиар Сайхандулаан сумын улсын бүртгэгч М. Наранцацрал нарыг шагналаа.

11 дүгээр сарын 7-ны өдөр үргэлжлүүлэн хөтөлбөрийн дагуу Сайншанд суманд сумын 15 улсын бүртгэгчийг хамруулсан “ЦАГ ҮЕ-БҮРТГЭЛ” сургалтыг зохион байгуулав. Сургалтанд Хэлтсийн дарга Ч.Цогзолмаа, Хяналтын улсын байцаагч Ш.Туяагэрэл, Иргэний бүртгэлийн тасгийн дарга Ө.Сонинбаяр, ЭХЭБТ-ийн дарга Д.Жаргалсайхан, Хуулийн этгээдийн улсын бүртгэгч Ж. Болортуяа нар оролцож бүртгэлийн үйл ажиллагааны чиглэлээр шинэчлэгдсэн болон нэмэлт өөрчлөлт орсон эрх зүйн актууд болоод холбогдох бусад мэдээллүүдийг өгөхөөс гадна цаашид анхаарах асуудлын талаар зөвлөгөө өгөв.

8-ны өдөр “Бүртгэлийн ажилтны өдөр”-ийг угтаж Сайншанд суманд хэлтсийн ажилтан, албан хаагчдын дунд гар бөмбөг, сагсан бөмбөгийн тэмцээнийг зохион байгуулж аваргуудаа шалгарууллаа. Гар бөмбөгийн тэмцээний төрөлд Н.Бямбацогт ахлагчтай баг 1-р байр, Ж.Өлзийжаргал ахлагчтай баг 2-р байр, сагсан бөмбөгийн тэмцээнд Б. Одбаяр ахлагчтай баг 1-р байр, Ч. Дүүрэн ахлагчтай баг 2-р байранд шалгарав.

Улсын бүртгэгч нарын дунд “МИНИЙ АЖИЛ” сэдвээр илтгэлийн уралдаан зарлаж шалгаруулсан бөгөөд “ЭЦЭГ ТОГТООЛТЫН БҮРТГЭЛ БУЮУ ЭЦЭГГҮЙ ХҮҮХЭД” сэдвээр Иргэний бүртгэлийн улсын бүртгэгч Ч.Дүүрэн 1-р байр, “МИНИЙ АЖИЛ” сэдвээр Улаанбадрах сумын улсын бүртгэгч Г.Ганбүрэн 2-р байр, “СУМЫН ХҮН АМЫН ӨСӨЛТ БУУРАЛТ” сэдвээр Дэлгэрэх сумын улсын бүртгэгч Ж.Өлзийжаргал 3-р байрыг тус тус эзэллээ.

ВЭБ ХОЛБООС

 

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Зохиогчийн эрх © 2018 Улсын бүртгэлийн ерөнхий газар. Бүх эрхийг хуулиар хамгаалсан.

Хайлт