Монгол Улсын ерөнхий сайдын “Архив, албан хэрэг хөтлөлт, төрийн байгууллагуудын ажлын зохион байгуулалтын улсын үзлэг” зохион байгуулах захирамжийг үндэслэн Нийслэлийн засаг даргын захирамжаар архив албан хэрэг хөтлөлт, төрийн байгуулалтын улсын үзлэг бүх яамд, агентлагуудад төлөвлөгдсөн хуваарийн дагуу явагдсан билээ.
Тамгын газрын Сургалт сурталчилгааны төвөөс тус газрын нийт ажилтан албан хаагчдыг ажил үүргээ гүйцэтгэхэд нь тус болох мэдээ мэдээллээр хангах, мэргэжил арга зүйн заавар, зөвлөмж өгөх, харилцааны соёлыг дээшлүүлэх зорилготой “Мэдээллийн цаг”-ийг уламжлал болгон зохион явуулдаг билээ.
Тус газар Олон улсын ахмадын баярын өдрийг угтаж жил бүрийн 10 дугаар сарын эхний долоо хоногт ахмад настнуудаа хүлээн авч хүндэтгэл үзүүлдэг уламжлалтай. Үүний дагуу өнөөдөр бүртгэлийн байгууллагад олон жил үр бүтээлтэй ажиллаж байгаад өндөр настны тэтгэвэртээ гарсан 40 гаруй ахмад буурлыг хүлээн авч уулзан хүндэтгэл үзүүллээ.
Хороодын иргэний бүртгэлийн ажилтнуудын хууль, эрх зүйн мэдлэгийг дээшлүүлэх, нэгдсэн сүлжээ бүхий компьютерыг ашиглаж сургах, Монгол улсын Гэр бүлийн болон Иргэний бүртгэлийн тухай хууль, бусад хууль тогтоомжуудыг иргэний бүртгэлийн үйл ажиллагаанд хэрэглэж сургах зэрэг асуудлаар мэргэжил арга зүйн зөвлөгөө өгөх зорилгоор сургалт зохион явагдаж өндөрлөлөө.
УБЕГ иргэний, хуулийн этгээдийн, эд хөрөнгийн бүртгэлийн үйлчилгээг нэгдсэн байдлаар чирэгдэлгүй үзүүлэх боломж, нөхцлийг бүрдүүлэх зорилгоор зохион байгуулалтын нэлээд ажлыг хийж дуусган Эд хөрөнгийн эрхийн бүртгэлийн газарт үйлчилгээний шинэ танхим нээлээ.
Монгол Улсын Засгийн газрын Тэргүүн шадар сайдын 2009 оны 28 дугаар тушаалаар Засгийн газрын хэрэгжүүлэгч агентлаг УБЕГ-ын бүтэц, зохион байгуулалт, орон тоог 7 газар, 11 хэлтэстэйгээр нийслэлд Нийслэлийн бүртгэлийн газар, 21 аймагт Улсын бүртгэлийн хэлтэстэйгээр өөрчлөн зохион байгуулсан билээ.