Бүртгэлийн Улсын байцаагчдад эрх зүйн хүрээнд тавигдаж байгаа бодит шаардлагыг бүтээлчээр хэрэгжүүлэх,чиг үүргийг тодорхой болгох тэдний чадвар чадавхыг дээшлүүлэх зорилгоор Оюуны өмч, улсын бүртгэлийн ерөнхий газраас Улсын байцаагчдын хууль эрх зүйн давтан сургалт, тэдний чадавхын түвшинг тогтоох сонгон шалгаруулалт хийх 5 хоногийн сургалт эхэллээ.
Оюуны өмч, улсын бүртгэлийн ерөнхий газраас Их Монгол Улс байгуулагдсаны 811, Ардын хувьсгалын 96 жилийн ойн баярыг тохиолдуулан эрхэлсэн ажилдаа идэвх зүтгэл гарган үр бүтээлтэй ажиллаж байгаа 37 албан хаагчийг “Хүндэт өргөмжлөл”, “Жуух бичиг”, мөнгөн шагналаар тус тус шагнаж, урамшууллаа.
Сонгуулийн тухай хуулийн 23, 61, 64, 66, 89 дүгээр зүйлд тус тус заасны дагуу Монгол Улсын Ерөнхийлөгчийн 2017 оны ээлжит сонгуулийн сонгогчдын нэрийн жагсаалтыг үйлдэх, танилцуулах, хүргүүлэх ажлын хүрээнд Оюуны өмч, улсын бүртгэлийн ерөнхий газрын даргын 2017 оны 1 дүгээр сарын 31-ний А/134 тоот тушаалаар сонгуулийн тухай хуулийн хэрэгжүүлэх ажлыг зохион байгуулах, нэгдсэн удирдлагаар хангах чиг үүрэг бүхий “Ажлын хэсэг”-ийг байгуулж, тус хуулийг хэрэгжүүлэх 88 ажил бүхий үйл ажиллагааны нарийвчилсан төлөвлөгөөг баталж төлөвлөгөөнд тусгасан нийт ажлыг хуульд заасан хугацаанд бүрэн хэрэгжүүллээ.
Оюуны өмч, улсын бүртгэлийн ерөнхий газраас 21 аймаг, нийслэл, 9 дүүргийн улсын бүртгэлийн хэлтсийн албан хаагчдад хууль, эрх зүйн сургалт зохион байгууллаа. Сургалтаар Улсын бүртгэлийн ерөнхий хуулийн эрх зүйн зохицуулалт, Захиргааны ерөнхий хууль, түүний практик хэрэглээ, Эрүүгийн хууль, Зөрчлийн тухай хууль, Зөрчил шалган шийдвэрлэх хуулийн үзэл баримтлал, шинэлэг зохицуулалт, Иргэний бүртгэлийн харилцаа, үйл ажиллагааг зохицуулах хууль эрх зүйн актууд, бүртгэлийн үйл ажиллагаанд анхаарах асуудлууд, Эд хөрөнгийн эрхийн бүртгэлийн үйл ажиллагаанд мөрдөгдөх эрх зүйн актууд, анхаарах асуудлууд, Хуулийн этгээдийн бүртгэлийн үйл ажиллагаанд мөрдөгдөх эрх зүйн актууд, анхаарах асуудлуудын мэдээлэл өглөө.
Тулгар төрийн 2226, Их Монгол Улсын 811, Үндэсний их баяр наадам, Ардын хувьсгалын 96 жилийн ойг тохиолдуулан Монгол Улсын Ерөнхийлөгчийн 2017 оны 07 дугаар сарын 06-ны өдрийн 170 дугаар зарлигаар Хууль зүй, дотоод хэргийн салбарт эрхэлсэн ажилдаа идэвх зүтгэл, үр бүтээлтэй ажиллаж байгаа Оюуны өмч, улсын бүртгэлийн ерөнхий газрын таван албан хаагчийг төрийн дээд цол, одон медалиар шагналаа. Шагналыг Хууль зүй, дотоод хэргийн сайд С.Бямбацогт гардуулав.
