Улсын бүртгэлийн ерөнхий газрын даргын баталсан удирдамжийн дагуу Монгол Улсаас АНУ-ын Сан-Франциско хотод суугаа Ерөнхий Консулын газарт хөтлөгдөж буй иргэний улсын бүртгэлийн үйл ажиллагаанд шалгалт хийж, зөрчил дутагдлыг арилгах зорилгоор есдүгээр сарын 27-ны өдрөөс аравдугаар сарын 03-ны өдрүүдэд тус газрын дэд дарга Р.Даваадорж, Бүртгэлийн хяналтын газрын хяналтын улсын ахлах байцаагч Ж.Чиймаа нар тус улсад ажиллалаа.

Шалгалтын баг бүрэлдэхүүн шалгалтын явцад МУ-аас АНУ-ын Вашингтон хотод суугаа ЭСЯ-ны иргэний улсын бүртгэл эрхэлж буй ажилтнуудтай видео хурал хийж, холбогдох асуултад хариулж, тус ЭСЯ-нд 2015 онд бүртгэгдсэн бүртгэлээс түүвэрчлэн онлайнаар хянаж, илэрсэн зөрчилд тулгуурлан мэргэжил, арга зүйн зөвөлгөө өгч ажиллалаа. Мөн Чикаго, Сан-Франциско, Лос Анжелес, Денвер зэрэг хотод амьдарч, ажиллаж байгаа монгол иргэдийн төлөөлөгчтэй уулзаж, улсын бүртгэлтэй холбоотой асуудлаар товч мэдээлэл хийж, сонирхсон асуултад хариулж, уулзалт хийлээ.