Эдийн засгийн ил тод байдлыг дэмжих тухай хуулийг сурталчлах ажлын хүрээнд хуулийг хэрэгжүүлэгч чиг үүрэг бүхий СЯ, УБЕГ, ТЕГ, ГЕГ, НДЕГ байгууллагууд хамтран маргааш буюу 10 дугаар сарын 15-ны өдөр Нээлттэй хаалганы өдрийг Эрх чөлөөний талбайд зохион байгуулна.

Тус өдөр дээрх байгууллагууд хувь хүн, хуулийн этгээдэд хамаарах асуудлын хүрээнд үйлчилгээ үзүүлж, мэдүүлэг хүлээн авахаас гадна хуулийг ойлгуулан таниулах чиглэлээр сургалт зохион байгуулах юм. Мөн уг хуулийн болон үйлчилгээний гарын авлага, брошурыг иргэдэд тарааж, зөвлөгөө мэдээлэл өгөхийн зэрэгцээ иргэдийн санал хүсэлтийг хүлээн авна. Улсын бүртгэлийн ерөнхий газрын тухай эд хөрөнгийн эрхийн улсын бүртгэл, хуулийн этгээдийн улсын бүртгэлийн мэдүүлэг хүлээн авах, ТҮЦ машинаар дамжуулан иргэн, аж ахуй нэгжид эд хөрөнгийн болон хуулийн этгээдийн талаарх лавлагаа, мэдээллийг гаргаж өгч үйлчилнэ. Нээлттэй хаалганы өдөр 10.00-17.00 цаг хүртэл үргэлжлэн явагдана.