Улсын бүртгэлийн байгууллагын албан хаагчид болон улсын бүртгэгч нарт зориулсан Эдийн засгийн ил тод байдлыг дэмжих тухай хууль болон хэрэгжүүлэх журам, аргачлалын талаарх сургалт хөтөлбөр, төлөвлөгөөний дагуу өнөөдөр Улаанбаатар хотноо эхэллээ.

Сургалтаар Эдийн засгийн ил тод байдлыг дэмжих тухай хуулийн дагуу хувь хүн, хуулийн этгээд нуун дарагдуулсан хөрөнгө, орлого, үйл ажиллагаагаа хэрхэн ил болгон мэдүүлэх, бүртгүүлэх, болон тайлагнах тухай хичээл зааж, мэргэжил, арга зүйн зөвлөгөө өгч ажиллах юм. Сургалтанд дүүргийн Улсын бүртгэлийн хэлтсийн дарга, аймаг, дүүргийн бүртгэлийн хэлтсийн эд хөрөнгийн эрхийн бүртгэлийн улсын ахлах бүртгэгч, хуулийн этгээдийн улсын бүртгэгч нар нийт 70 гаруй албан хаагчид оролцож байна.