Нягтлан бодох бүртгэлийн тухай хуулийн 23.2-т “Санхүүгийн тайланг зургаа ба түүнээс дээш улирал дараалан гаргаагүй, харилцагч санхүүгийн байгууллагад тушаагаагүй аж ахуйн нэгжийг улсын бүртгэлээс хасах талаар нягтлан бодох бүртгэлийн улсын ерөнхий байцаагчийн саналыг үндэслэн улсын бүртгэлийн байгууллага хэвлэлээр нийтэд зарлах бөгөөд зарласнаас хойш зургаан сарын дотор санал, гомдол гараагүй бол уг хуулийн этгээдийг улсын бүртгэлээс хасна.” гэж заасны дагуу Сангийн яамны Төрийн нарийн бичгийн даргын 2015 оны 06 дугаар сарын 26-ны өдрийн 7/4028 тоот албан бичгээр санхүүгийн тайланг зургаа ба түүнээс дээш улирал дараалан гаргаагүй, харилцагч санхүүгийн байгууллагад тушаагаагүй төрийн бус байгууллага, сангийн жагсаалтыг тус газарт ирүүллээ.
Хуулийн этгээдийн улсын бүртгэлийн тухай хуулийн 9.1.1-д “хуулийн этгээд шинээр байгуулсан, өөрчлөн байгуулсан, татан буулгасныг болон түүний мэдээлэлд оруулсан өөрчлөлтийг улсын бүртгэлд бүртгэх, энэ тухай хуульд заасны дагуу цахим хуудсаар нийтэд мэдээлэх;”, 9.6-д “Улсын бүртгэлийн байгууллага нууцын тухай хууль тогтоомжид зааснаас бусад улсын бүртгэлийн мэдээллийг өөрийн албан ёсны цахим хуудсаар дамжуулан нийтэд мэдээлнэ.”, 9.7-д “Энэ хуулийн 9.6-д заасан цахим хуудсанд байршуулсан мэдээллийг улсын бүртгэлийн байгууллагын албан ёсны мэдээлэл гэж үзнэ.” гэж заасныг тус тус үндэслэн доорх нэр бүхий төрийн бус байгууллага, санг улсын бүртгэлээс хасахаар нийтэд мэдээлж байна.
УЛСЫН БҮРТГЭЛИЙН ЕРӨНХИЙ ГАЗАР
